هنا

[فقار الكرخي]

ابلل واهسي بطاريك..وأشر الدمعه فشلة حنه عالبيبان..
اتيمم بحرگة خوف.. واصليلك شمع بردان ..
رد شهگة ملاگه.. بريتي متانيك ..
وظنوني نعش دخان..
يشيعني جفاك تراب..
وأرد تابوت خيبة حيل يفززني گبر وحشه..
كل حسبة دمع تصهل ملامح طيف للغبشه..

وأنشغ ساجيه اتاني الضوه مرطوب يعرگ للعتب چلمه..
آنه عيوني گمر مهظوم غفله نباگ من حلمه..
وآنه ادري الحلم وهواس يمته يغازل النجمه..

تانيتك حدر كل سدره خدرانه بخت وفياي گعدنه بسدها نلعب طيش..

أتناوش خيالك ماي وأشد رمشك ضفيرة ليل..
وأمد الصفنة سچة غيم يسحگها المطر چم ريل..
لحد ما خضر ابالي العطش عطاب..

يمته تمر يضلع الشوگ..
لباريك بهوه غافي حلم گمرة وغنه ولايات..
وأتعناك نثة هيل نده ونتشلبه المرايات..
ويضيع الحچي بجرفي..
بخلگ ناعور ابدي سوالفك فوگ الوجوه فياي..
زلوفك سعف تخدر والتراچي عثوگ..
تسكر رطب كتر الماي..

اليشرب من لمى شفافك ضحك چرچف ضوه دافي وبرودة طيف..
يعرگ للخمر كاسين..
كاس بشعرك اليتبده فوگ الغيم نده ويمطر عطش صحره..
وكاس عيونك مرايات تمد چف السمه ولايه لحد رمش الضوه بخصره..

وبعدني متاني وشلة ظلمه تنشد بير يترس مستحه الفانوس..

لهسه أفرش شمع ودموع وسولفلك بچي وبخور..
أحني ظنوني بدموعي وتناوب جفن متعوب يسهر للعشگ ناطور..

أنعسلك شذر دافي واغفه بخدك بريسم..
وحرير يهفي همسة ليل وگلاید تصحه ويا اخر نفس خدران من نشتهي الورده متاع..
رافگني "سفر نعناع"
راودني رفيف طيوف من تفرع شمسنه شراع..







محمد.مواش

[حہيہدر الہبغہداديہ]

لجهودكم باقات من الشكر والتقدير
على المواضيع الرائعه والجميلة

[انثى مخمليةة]

انتقااء جمييل جدا ...