حب لا تخلي المستحة يلزمك
للتحسة الك خف گلبك وجدمك
حب لا تخلي المستحة يلزمك
بس المنلچم يعرف شنو الملچوم
خلي ابالك الملچوم ميلچمك
مرات اليطيب خاطرك مكسور
ومطشر ويلتم خاطر يلمك
ومرات التذب روحك بحلمة يروح
بس مايدري يضلم روحة ويضلمك
إلتهي بالحب وسافر وين ماصح شوگ
وخليها الجروح العابرة تعلمك
لتخلي اليتعبك يلتهي وية الغير
ونص الليل تعبك يلتهي بجسمك
لتضل مثلي لا للهوة ولا للنار
نسمة ومالگيت الناس التشمك
اشتراني الذنب لمن باعني المحبوب
وعاتبته!!! ابروود يگلي ليهمك
ميهمني؟ والمخليات بيه صواب
خلصت العمر من سهمك لسهمك
بس والمايعينني
وحگ المايعينني الدربكم ذاك
والهديتهن من تعبن برسمك
وعيوني الولا ضاگن حلاة الغير
انة لسة التفت كلما سمعت اسمك
الذنب من تحب واحد دمة مودمك
وبسدك ينام وكلة مو يمك
من تلگة الجرح بيناتكم مطروح
تصفن تلگة روحك بعد متهمك
تلگة شگد حجي بروحك وما تحجي
لأن ما لاگي واحد گاعد يفهمك
لان مالاگي واحد ياخذك لبعيد
واحد يعرف شبيك وشنو حلمك
حب اليياخذ عيونك من يلاگيك
المن يزعل عليك بروحتة يثلمك
الدم يعاتبك والطين من تموت
اذا ماتحب واحد دمة مو دمك
لــ علي مطر...
رد مع اقتباس
