على جرحك عشت يلناوي الفراك
على جرحك عشت يلناوي الفراكاخذني وياك لتخليني ذكرة
لتخليني ذكرة بجرف علماي
خايف ينمسح اسمي بكطرة
وهسة انمسح حتى العشتة وياك
من غيري اجة وشممك عطرة
بقت ماتنمسح دمعاتي بلعين
الدمع بجفاك من عيني يتبرة
على نيتي مشيت ودربك طويل
انة اعمة صرت متهمني عثرة
شلت حنية امي بعشرتي وياك
وبصدرك شلت مو كلب صخرة
ليلة وحشة ليلة روحتك هاي
احس بروحي ميت طاب كبرة
مثل صحبانة راحو واليشيعون
من طب الكبر هانت العشرة
انة الجنت ادورك راحة بلبال
غشيم انة وعشكتك على الفطرة
دورتك خجل بحضان بت ليل
ودورتك دمع من دون حسرة
ودورتك محنة بكلب دفان
كلب ماعدة يحفر بيدة كبرة
لتكلي صبر شيصبر الروح
روحي عشكت فاسة وهي شجرة
لدور صبر لتظني ايوب
خلص عمرة بس ما خلص صبرة
جنت انتظرجيتك فرحة ايتام
خلص صومهم تانو الفطرة
جنت كلما تهز تمراتي اطيح
وجفك ما اظن مريم العذرة
لتظن الخسارة اتأثر وياي
هوة شرابح انة حتى اخسرة .
رد مع اقتباس
