شغلاتك من جنت وياي ومقدر
ليش تكترت كلي وكلت مجبر
اذا عجنت حديثه المحبس تكتر
رتك سكف ثابت مو سكف تنور
من ابرد تجي وتعوفني منحتر
مثل جويت الضافر ماتهيج بساع
هيج فزعتك وياي تتاخر
دنت عينك عل خشب من شفت تابوت
ومن كنالك اخذه نريد نجفي الشر
وانته بلارحم صعدتت بل منشار
وكصيت الخشب والميت توذر
شغلاتك من جنت وياي ومقدر
حمامة حضر محد يمد جفه عليك
لاشكلو جناحك لا ريش نجر
وكلولي احذر تره اليطيحك منك بيك
وكتلهم شلون وكالو صور
بضلوعه الكصار جادر منيطح
واول مايهدمه البل عزم وزر
سواجي ثنينه بس هيه هم توفيق
طلع لدخن دربك وانه للعنبر
وشفتك منجل وكتلهم ستفهام
بس كلولي عمي صويحبك زنجر
وتتكلب ترد لطاردك دينار
وصطرك جفوفه شماضل تفتر
خاب مو كلمن يشد ضهرك تحسبه حزام
الكاره نشد ضهرها وجيموها احذر
اليدنك بل حرب مو شرط جاسه الخوف
انه من دنكت بلروس جاي انحر
ومثل سوده الوجع ماشاله اخوي وياي
وشلته الوحدي ومن داخلي مكسر
وكلت اشعل شمعتي بكهف مابي ريح
من يطفيه غير الريح حته اخسر
بس انه الغشيم الماحسبت احساب
تطفيها الحيايه المن تتحسر
وليش تكتر تنشدني عذري وياي
من تعجن حديثه المحبس تكتر
الشاعر سعد شميل
رد مع اقتباس
