يالمتيهين وجه الله العشگ مطلوب
اكفر بالمعابد واسجد الضحكك
واسب دينك واسب اهلك
واسب كل فقه حرم حبك وعشگك
لان بس انت ابيض دينهم چذاب
احبك واركع الحسنك شكر واعتاب
حتى اهلالهم چذاب
اجيت وفارش اضلوعي نذر لبلاب
ردوني اروح الوين ادگ يا باب
شبابيچك حرام الله
ما يردون شرع الله
اصليلك ذنب مايرضى گلبي بهاي
استغفرك چا والشوگ
المخليني مو وياي
المتعبني الماينساك كلماحاولت يهواك
اكثر من حجي الوادم صبح طرواك
اروح الوين ياچلمة غريبة ومالي بيها وياك
ياصبير ياعطاب حتى الماتشبهك صارت بذكراك
اسولف شوگك المن حاير الشيطان
حطك يمي وانه انسان
كلت روحي خجل ردتك ولكن شان
فطير اليحب من اهل الله
تلگاه ضايع بقمصان
هارش روحه بس ماهارش العنوان
يعرف كفت الميزان
حافظ كل حچي الرمان
دارس كل اصول الطين
متوضي بصلاة الشوگ
تلگه بزندة وشم اعلوگ
عاگد نيته يم الله
حنين ومحد الينصفه
يهنيال الگعد صفه
عده التين تربة وقبلتة المحبوب
مايكفر بدين الناس اذا عادل
بس يشغل بربهم لو طلع منسوب
دين الناس بالمگلوب
دين الله يحب البوب
دين الله عقل وگلوب
يالمتيهين وجه الله العشگ مطلوب
عقاب اليزني والسارق
اشد منهم
عقاب الفرگ امحبین
يالمتيهين
تنطون العذر ليوين
لو باچر شچة العاشگ الرب الدين
علي نغيمش
رد مع اقتباس
