مايع گد الترافة البيك...
وبگد الدفو، الغرگ شواطيّك
مايع.. ما تلمك ايد...
ولا حضنة خيال...
اتلف طواريّك
ها ينته ..؟؟
اشكثر عودك ملاحه ايشيل...
وبسورة دلالك، رايج ابميّك
يا دانگ حِسن...!!
لو غرّبتْ ... بهداي ..
ما تدري!.. ابگلب مجروح..
كل شچّات مرديّك
يغرگني ضواك إشما تمر وتفوت...
واسبح سبح عاگه، أبروج چاليّك
يغازلني العشگ غزل الخواچي البيض..
ويلفني وشايع شوگ...
خدرانه ابمطاويّك
يا بستان شوگي...؟
امذوبل القداح...
والصبير غابات ابسواجيّك
گضبة ريح ..
عيني اتيه ماتلگاك..
كلما دورت.. بشراع صاريّك
م
هــاي سنيني بيــدك موش طاست ماي
كل ماديرلك ضهــري وتبــديهــا
لــ رفعت الصافي
ـ
جيــتك وگاداني شوگي
وكلشي بيه يگول أريدك
حتى خوفي ومستحاي
#لشاعرها
بده براسي يضوي الشيب
وستوه العمر بادي
اثاريها السنين اشموع
تطفه بعيد ميلادي
وهو هم حظي
صرت للناس مرجوحة..
صرت خيط وبقيت
بكيف كلمن تنزف جروحة..
بس آني الغشيم الملتهي وي الناس!
كلمن ملتهي بروحة..
لو صاير حبل للموت
چان الدنيا تخجل تعبر بعيني..
چان الخير خضّر من سناديني..
(غيري يخاف ما ينطي دمع للناس!)
وأنه بليلة شتا العشاگ
أطّشّر كل دفو سنيني..
من رادّوا يعبّرون لهذاك الصوب
من غبشة كَلّوا بجدامهم طيني..
أشگّگ روحي للناس
التشگّگ كل دواويني..
وبعد ليش أنطي دمي؟!
لناس بس بالجرح تشريني..
مثل ما تاكل الخبزة
كلت گلبي وشراييني..
#ادهم_عادل
شما يعله السعف تاليته مكناسه
لسياب
الهاظمتني
گلبي چان مزآوّد أمك بالمَحنة
نام..!!
الليل مايخلص.. ولاينقص على متونك
نام..!!
الما دره بروحك.. مايقراك بعيونك..
لـ عبدالله العبدلي
نامي نامي
نامي فوك الراح حطي خدودج
وجودي جودي
جودي ارحمي الكَلب خلي يرى جودج
إرسم باب، وإرسم چف
وجيب أحبابك من الطيف
لتظل واگف امجتف !
- لشاعرها
