شنو يعنيلك صديقــــــــك ....... كتلة صاحب ومايوم ينمل
كلي بس وضحلي اكثــــر ....... كتلة دلاني الدرب خلاني اندل
كلي داسئلك صديقــــــك ...... كتلة خوية وماشفت فديوم اجمل
وليدي داكلك صديقـــــك ...... كتلة غالي وكلبي من فركاه ينسل
يابة يمعود صديقــــــــك ....... كتلة ظلعي وعقلي بيه حرم وحلل
كلي بس احسبهة زيــن ....... كتلة وين تريــــــــــد توصـــــل
ترستك ماي خوة لا نداوة الكــــيت
طلع جودك شبج واسراري تتطشر
خاويتك عشب وي كل نسيم اتميل
جربتك شجر بالريح تتكســــــــــــــر
ومن صارت صدك ردتك ولو حاجـــوز
وغصب عذرك قبلتة اتخاف تتعـــــور
بزلاتك اضم ردتك ضمير اتصـــــــــير
وجذبت الصدك حتى انت ما تخسر
اذا جرحك نزف لا تشكي للغير
تره لشكوى لغير الله مذله
واذا واحد يسألك عالجرح بيك
حط بيه صم لح بس لا تگله
كص ألسان جرحك واخنك الاآآآه
وشك زيج الوجع والاآآخ احمله
واخذ طبع الجبل لو وازته الريح
ما ينزل يبوس اجفوف تله
ولا تاخذ عسل من ايد شمات
لمراره بعز طعمها هواي احله
جفه وانغام صوتي ماترده
الكلب كاطع ونينه ماترده
الشامت حجه يصاحب ماترده
شجاك وصافحت شماتي عليه
عله گد اسمي انتـﭼـي وما أدور فياي
ولا أدور عذر من طيف مبيوگ
استنگي الهوه الما شمته الناس
حرام اشهگ هوه وعد غيري مشهوگ
للدوم اظل وياك يالطيبك ايفوح ..
ولخوتك ماعوف لو تطلع الروح
.
عينَي بـ سـِٰاعتي وعِـ السـِٰاعه بس اسأل
ومُو گِد الزعل ، هَسه أنهّ ليش أزعـَل ؟
- يحيى العلاق
.
.
بقـٰت شوّفت صوَرهمّ تنگضي بـ همـّهَ ..
معـٰاِرك چفِي وثـٰاِني گلمّن رادهـٰن يمهَ !
- باهر جنديل
.
.
كلهّا بهـِٰاي الدنيـٰا تجذب ..
بس العـِٰاشگ موّ جـِّذاب !
- أدهم عادل
.
.
ذگرتهِ ومـِٰاعت من العينَ چلمَّـه ..
المِا يگدر یجیَبه لا يجیبّ أسمـِٰه !
- أحمد العامري
.
