النحبها نوسط الوادم الاهلها
احبها ومااعرف مثل اليمثلون
الم سوالفي واوكف وكله
ولا عندي بخت وانتج علي
والا اعرف المواقف واستغلها
حب فطره وعشك وادم فلاليح
النحبها نوسط الوادم الاهلها
نجي يم بابها نحط عش عصافير
وفوك العش احبج نكتبلها
بس شو جنه اختلف حب هاي الايام
سوالف بارده ومااعرفلها
سوالف ماي لاجن مو طعم ماي
والف جلمة عطش موش ابمحلها
المهم روحي العشك بلش يسلها
الحبها مبديه ليل الله بكحلها
الحكولي ربعي يل تعرفون
اذا لاكيته باجر شكلها
ارويها ع جفني الغافي جم ليل
اكشف جروحي بلجن يعلنلها
اغرب عمري واختار احله الايام
واصوغنهن خرز داير حجلها
احفر دمعي اكو وشالة ابتسامات
اطلعهن وطشهن فوك ضلها
اكله بابكم ماي وتبديت
وقصتي اسولفت عل كاع كله
اكله امي بكثر ماسولفت بيج
تكسر خاطري من اتباوعلها
ع نيتي الهسه عبالي العشك عيب
وعزيزه رويحتي وفشله من اذلها
موش انه اليلبس سوالفه وجوه
ومثل الدور والقصه فعلها
الله يساعد المثلي ع الدموع
يباوع غايته ومايوصللها
وطريت ارد ع طباشير
ارسم ماي وتخيل شكلها
والبسها عبايه ومن وره الباب
احاجيها وتجاوبني بخجلها
م
رد مع اقتباس
