مشتاكلك واني ادري ما مشتاكلي
مشتاكلك واني ادري ما مشتاكلي
ظليت بغيابك وفي
تنور حتى من انطفي
حراك يبقى بداخلي
ردت انسه بس شوكك كبر
عود اني ضميت الصور
بالكمر وجهك لاحلي ؟!
وهذا اني من يوم الرحت
دورت صدري وفرفحت
مو انت مدري شراحلي ؟؟
دورت غيرك ما شفت
يغرد البلبل والتفت
حسبالي صوتك صاحلي
لا نام جفني ولا هجع
من كثر ما احمل وجع
كام الجرح يرتاحلي
ما جيت لا طيفك عبر
من كثر ما كلبي انتظر
لو عاشك ابدلك كمر
جا طاحلي !!
حبوني غيرك وشكثر
بس مالت الله التنحجي
بس انت احسك مالتي
وبس انت العتازيت الك
وهواي ناس بعازتي
اتذلني وانا مدللك
بايعني بس اشتاكلك
يالمو مثل شرايتي
ما بيهم المثلك وطن
بزلوفه اشم لايتي !
صافن ع المرايه نعش
يوميه اموتن بثنعش
واغبش واشيل جنازتي
ما بيه واهس للضحك
وسنوني ابد ما بينت
مثل المشيع حالتي
كمت احسد سنون المشط
جا طلعن اعلى مرايتي
ادري بالميت يندفن
بس اني موتني القهر
ما جاي اموت براحتي
لا واصل الحد عتبتك
لا واصل الحد ساعتي
انطيتك احجايه انتظر
وشما يمر بيه العمر
اشكدني صاير مو مهم
المهم كد احجايتي
تلكاني ذاك الما نسه
ومناطرك صبح ومسه
اني وجكاره ودمعتي وعكازتي "
حيدر الشكري
رد مع اقتباس