السلام عليكم .. احبائي درسنا لهذا اليوم
الدائرة ( محيطها ، ومساحتها ) الصف السادس ابتدائي
سوف اقوم بشرح مبسط لهذه المادة .. ايضا التلميذ دائما
يخفق بيه ويكول صعبة ..
محيط الدائرة . هي الحافة الخارجية للدائرة .
محيط الدائرة له قانون ثابت هو
محيط الدائرة = القطر × باي . النسبة الثابتة
قبل لا ابدي لشرح مسألة على التلميذ ان يحفظ هذه النسب الثابتة للدائرة هي ( ٢٢/٧ ، ٣.١٤ )
ال ٢٢/٧ .. شوكت ابدي اخليهه اذا كان من مضاعف السبعة .. مثل ( ٧. ، ١٤ ، ٢١ ، ٢٨ ، ٣٥ ، ٤٢ ، ٤٩ ، ٥٦ ، ٦٣ ، ٧٠ )
هذني اذا اجن بالمسألة اخذ. ٢٢/٧ .. غير هذه الاعداد
اخذ النسبة الثانية هي. ٣.١٤
صار واضح
س/ دائرة قطرها ١٤سم . جد محيطها ؟
الجواب / اولا اكتب القانون
محيط الدائرة = ق × باي
يساوي ١٤ × ٢٢/٧ = نختصر ال ١٤÷٧ = ٢
هسه نضرب ال ٢ × ٢٢ = ٤٤سم
س اخر عكس / دائرة نصف قطرها ١٤ سم . جد محيطها ؟
الجواب اولا / اكتب القانون
محيط الدائرة = ق × باي
شوف عزيزي التلميذ في منطوق السؤال منطي نصف قطر
لكن القانون كاتب قطر لازم احول ال نصف قطر الى قطر
يعني اضرب × ٢ شلون
ق = نق × ٢ = ١٤ × ٢ = ٢٨ سم
اذن محيط الدائرة = ٢٨ × ٢٢/٧
نختصر ال ٢٨ ÷ ٧ = ٤ اي ٤ × ٢٢ = ٨٨سم
ناخذ مثال صعب / بحيرة دائرية الشكل نصف قطرها ٢١ م . احيطت بسياج معدني بكلفة ٩٩٠٠٠ دينار . ما كلفة المتر الواحد من السياج ؟
الجواب / قبل كولشي اول شي انزل القانون
لكن ملاحظة / عزيزي التلمليذ بالسؤال اكو كلمة محيط
الجواب لا .. لكن هنالك كلمة اسمها احيطت .. اي منين احيط من السياج الخارجي .. اهاا هسه عرفت يريد محيط السياج
اكتب قانون محيط الدائرة = ق × باي
اروح ارجع لمنطوق السؤال موجود قطر لو نصف قطر
لا موجود نصف قطر لازم احولها الى قطر
ق = نق × ٢ = ٢١ × ٢ = ٤٢ م
محيط الدائرة = ٤٢ × ٢٢/٧ = نختصر ال ٤٢ على ٧
يساوي ٦ × ٢٢ = ١٣٢ م
هسه شراح نسوي نريد كلفة المتر راح نقسم منو
ال. ٩٩٠٠٠ ÷ ١٣٢ = ٧٥٠ دينار كلفة المتر الواحد
هذا الجواب
ناخذ سؤال يخص النسبة ٣.١٤
س/ صحن دائري نصف قطره ١١ سم . جد محيط الصحن ؟
الجواب اولا انزل القانون
محيط الصحن = ق × باي
هنا ايضا عندي بالسؤال نصف قطر لازم احولها الى قطر
ق = نق × ٢ = ١١ × ٢ = ٢٢ سم
محيط الصحن = ٢٢ × ٣.١٤ لان ال ٢٢ مو مضاعف ال ٧
يساوي. ٦٨.٠٨ سم هذا محيط الصحن
٠٠٠٠٠٠٠٠٠٠٠٠٠٠٠٠٠٠
مساحة الدائرة .. يمثل بها الشكل الداخلي عكس المحيط
مساحة الدائرة ايضا لها قانون ثابت
مساحة الدائرة = نق × نق × باي
ايضا نستعمل النسب الثابتة للدائرة هي ( ٢٢/٧ و ٣.١٤ )
س / دائرة نصف قطرها ٢١سم . جد مساحتها ؟
الجواب / اولا انزل القانون
مساحة الدائرة = نق × نق × باي
يساوي. ٢١ × ٢١ × ٢٢/٧ لان ال ٢١ مضاعف ال ٧
نختصر وحدة من ال ٢١ ÷ ٧ = ٣
بعد نضرب ٢١ × ٣ × ٢٢ = ١٣٨٦ سم٢
س اخر / دائرة قطرها ١٠ م . جد مساحتها ؟
الجواب / اولا انزل القانون
مساحة الدائرة = نق × نق × باي
هنا منطوق السؤال منطيني قطر والمساحة نصف قطر
هنا راح اقسم عكس المحيط نضرب
نق = ق ÷ ٢ = ١٠ ÷ ٢ = ٥ م
مساحة الدائرة = ٥م × ٥م × ٣.١٤ لان ال ٥ مو مضاعف ال ٧
يساوي ٢٥ × ٣.١٤ = ٧٨.٥ م٢
ناخذ مثال صعب / قطعة حلوى دائرية الشكل قطرها ٤٢سم ، تم تقطيعها الى ٧ اجزاء متساوية . احسب مساحة كل جزء ( استعمل النسبة الثابتة ٢٢/٧ )
الجواب / اولا اكتب القانون
مساحة الدائرة = نق × نق × باي
السؤال يقول قطر والمساحة نصف قطر لازم نحول
نق = ق ÷ ٢ = ٤٢ ÷ ٢ = ٢١
مساحة الدائرة = ٢١سم × ٢١سم × ٢٢/٧
نختصر واحد من ال ٢١ ÷ ٧ = ٣
بعدين نضرب ٢١ × ٣ × ٢٢ = ١٣٨٦سم
هسه راح نقسم ال. ١٣٨٦ ÷ ٧ = ١٩٨سم٢ هذا الجواب
انتهى درسي لهذا اليوم .. الطرق مبسطة لكن حديثي وشرحي كثير .. اتمنى لكم النجاح والتوفيق
زميلكم الاستاذ سجاد الناموسي .. معلم مادة الرياضيات
رد مع اقتباس
المشاركة الأصلية كتبت بواسطة عصام الرجاء
