تاليها الحلم يطفى وتظل وحدك
تاليها الحلم يطفى وتظل وحدك
تاليها الأغاني اتطفي كل نجمه بسما اظنونك وترجع للسهر وحدك
تاليها العشگ يحترگ بدموعك ويرجع حزنك بگدك
بگد واهس عيونك للهلا وللناس تطيح ومحد يسندك
يل رديت كل عاشگ تعلگ بيك لأحلامه
و يل غنيت كل تعبان دليته على أيامه
اشعجب ما لاحتك غنوه وتدنت بيك لليستاهلك غنوه
اشعجب ما لاگتك فدوه وتوصت بيك يل جبت العمر فدوه
اشعجب يل گلبك يغني
اي للرايح وللراد خايب گلبك يغني
اشعجب يل حزنك يثني
اي للرايح وللراد فازع بالحزن وگليبك يثني
تسكّت كل گلب مالوم وتدفيه
وتگله عيوني يبچن عنك وعني
لكن منهو يبچيلك
منهو اليفرش إگليبه لمواويلك
منهو يفز گمر ويداهر الظلمه ويلوليلك
يتعبان اشبعد وإتوب من ليلك
تظل وهيچ وتظل وحدك
مثل كل مره تتحلم وتوصل لآخر اجروحك
مثل كل غنوه تمشيها وتوصلك لليهز روحك
تاليها الحلم يطفى وتظل وحدك
تاليها الأغاني اتطفي كل نجمه بسما اظنونك وترجع للسهر وحدك
فراس غالب
رد مع اقتباس
