بس الـ تفتلي
بس الـ تفتلي
وشوفني وشوف شعفت !!
وك انه ليله اموت عليك ما اكَلك متت
جا غير كون
اكَدر عليها الروح من ذاك الوكت
جا غير من إچويها
تنسى وما تحن صلفه شكثر
جا غير تطفى امن التعب لو نعست
وتغمض أجفون العمر ؟؟
جا غير تنزع ثوبها المليان چويات وصبر !!
وك اني روحي مسودنه وما تنتظر ..
وك اني روحي شكَد طريه الحبتك
بس ما تليَن وتنكسر ؟
مره خذتني بلا فكر مدري خذتني ليا كتر
مدري الوكت فرني وكَصى اباجي العمر
مدري انت هذا الكَاعد
بخيط الكَلب جفك يجر
باجر اجيك عيون عطشانات الك فنهن غفن
باجر اجيك بجيبي بس چيس التتن
باجر اجيك بلا هويه ولا وطن
باجر حبيبي تشوفني بطركَ الچفن
الكَيك شاعل شمعتي وحافر كَبر
مو باجر امن اتشوف تابوتي تردني وتعتذر
احفرلي بجفوفك وطن
باجر اجيك بلا وطن ؟؟
علي الشيباني
رد مع اقتباس
