هنا

[أنثى حائرة]

سلام عليكم

عندي علاقه بشخص احبه ويحبني تقدملي اكثر من ٤ مرات لكن اهلي وبالخصوص والدي يرفضونه واخر مره دزوله انذار
بيد الناس الي جايبهم واسطه خير



سبب الرفض اهله من الطرفين الأم والأب مو زينين وعليهم كلام هواي لكن الولد اخلاق ومؤدب

المذاهب مختلفه

وسبب الرفض الرئيسي حسب قول الوالد اول شي راح يجي يخطب وحده هو والدته وخواله بدون والده وعمامه لان والدته منفصله عن والده

حسب قول الوالد مااخلي ايدي بأيد مرة ومعروف عن والدته انها عصبيه وعادي تغلط وتضرب

اذا صارت مشاكل بينج وبين فلان
اني ك أب احاول حل مشكلة بنتي راح اكعد ويامن واحجي .. اذا لوالده راح يكول اني ماخطبت منكم واذا اكعد وي عمامه كذلك راح يكولون لا اجينه ولا خطبنه منكم واذا خواله هم خوال راح يكولون شعلينه وامه حدث بلا حرج


هذا حسب قول و رفض الوالد


الولد متمسك بيه لأقصى درجه ومستعد يرجع يخطبني اليوم وباجر وبعد سنه اني شنو موقفي ممكن تساعدوني بقرار صائب

[^_AHMED_^]

متابع ولي عوده

[انثى مخمليةة]

ولله سالفتج صعبه ... زين الولد ليش مايجيب عمامه ..وابوه

[محامي الحب]

قرار اهلج صائب....

[Scrap]

ما دام اهلج معارضين ول اسباب مقنعة وعن تجربة ف اتركي الموضوع وامشي وره والدچ
اغلب مواضيع الزواج من يصير بيها معارضة من طرف خصوصا الاب او الام راح يكون زواجهم بي عارض ومتعب اني شفت حالتين والله اعلم بعد
الله يسهل امرچ

[ৡ⚘أೂـيـر ألـنـ੭ــل⚘ৡ]

الزواج عشرة عمر مو يوم يومين وهذا الحب ممكن يتلاشى تدريجيا فيما بعد بسبب الاشباع كل من الاخر (وهذا قليل ) وعندها تحصل الخلافات والمشاكسات وهنا ياتي دور الوالد ليتدخل ولكن... مع من مع ام زوجك ؟!!!!!
للاسف كلام والدج صحيح

بعدين الولد ليش ما يجيب والده ؟ خلاف مع امه !! طيب يجيب عمامه وناسة ... تنحلل تعقيدات الوالد للامور وان كان رايه نوعا ما صائب اذا لم ياتي الولد بابيه او عمامه لخطبتك ....
وانتبهوانتبهي لنفسك ول تتعجلي ابدااااا

[فقار الكرخي]

نصيحة ال الله
امشي خلف كلام والدج
ترة اكو ظيم اسود هذا الظيم الاسود
متشوفة البنية الة من متسمع كلام ابوها بهيج امور

جائز راح خطب هواي ومحد انطاه
ومجلب بيج
مو عبالج يحبج ومستقتل عليج
ليش هي وين رايحة النسوان

[deyaar didi]

اذا جاب شيوخ او حسب التوجهات مالهم سادة مثل ميكولون المهم يعني
يضمنوه ويكفلوه ووالدج يعتبرهم ثقة بالنسبة الو ويكولون نحنة بمقام اهلو شنو المشكلة هيج شي مرتب يكون
ياما ناس كانو مقطوعين من شجرة واهاليهم سمعتهم مو تمام لكن هم تمام
فانتي حاولي تتناقشين مع والدك ومع اللي جاي يخطبك عسى ولعل توصلون لنتيجة اذا كان هناك من يكفلو ويضمنو وناس موثوقين
مادام هو شاب زين ومحترم
وبحال ما منو فائدة هالامر وما جاب نتيجة اسمعي كلام والدك لانو اعلم مادام انتي شابة والطريق طويل كدامج تلكين اللي يناسبج اكيد
اتمنالج التوفيق والسعادة عزيزتي

[أغرد بهمس]

اسمعي كلام ابوج اولا ولاتخالفينة...وثانيا اذا هو هالكد رايدج ف راح يقنع ابو وعمامة بكل وسيله ويجيبهم يخطبوج ...الله يكتبلج اللي بي الخير

[اسرار الكون]

اسمعي كلام اهلج ..

صدگیني محد يريدلج الخير غير اهلج ،يمكن هسه تشوفينه ملاك بس بعدين تختلف الامور ، اني حاسة بموقفج وحيرتج بس كلام الاهل هو الصح ، والكلام اللي گلتي كوله عقبات امامكم هسه ماتحسين بيها وتشوفيها عادية بس بعد الزواج الامور تختلف تماماً ..

ف خلي الامور اهلج يمشوها واذا بيها صالح تصير وبموافقة اهلج موافقه تامه لاسباب مو انتي اللي تقنعيهم !

موفقة يارب