هنا

[فقار الكرخي]

خاف اوصف و الوصف يغدر بالافكار
و تطلع اوصافي لجمالج بيها تقصير
حلوة حد ما تنسة عيني اطبگ الرموش
گمت احس بهالجمال هواية تبذير
ياللي صوتج نغمة بلسان العصافير
و ياللي رمشج جن جنح ما رايد يطير
يا بنفسج يا گرنفل بالبساتين
يا ورد ما راضي يذبل منه الخير
روحي جن گطرة ندة و تاهت بالورود
روحي گطرة و الا يمچ رادت تصير
شممت روحي نسيمج وي العطور
وحدج انتي القبلتج من رفضت الغير
يا فجر يضحك ضوة فوگ السماوات
يا شمس ردت لحياتي شوية تنوير
يا نهر دجلة حسن هذا انه عطشان
لكاس روحي هالردت من حسنجج تدير
يالضحكتج وهدنتني و وهدنت جيل
ياللي مشيج خلة عقلي بلاية تفكير
صورج ربج غزالة و سودة العين
ربي سبحانك خلقت بهيجي تصوير
ياليطولج طول صبري لمن احتام
و افرش گبال النفس ذيج المعاذير
انه من ما تعب جدامه على كل طول
و انتي وحدج يم كحل تسوة المشاوير
يا خبر فرحة گلب نابض بالاشواگ
گلبي گاعد ينتظر مثل النواطير
انتي حلوة بكل وكت و بكل العيون
بكل فكر و بكل خيال و كل تصاوير
يا غصن حمّل حسن من حسن الورود
من جمالج للحسن خلو معايير







علي محمد الربيعي

[انثى مخمليةة]

كلام في قمه الرووعه

[ڪڪوآيهہ 'ۦ']

جميل جداً