هنا

[فقار الكرخي]

قفـــلـــنة الـــباب
عن لا چف يجي بليلة و يدگ الباب
عن روحي على جرفك لا تفيض عتاب
بعيون الگمر و الليل
بگلب يلهب قفلنه الباب
و انسي الگاع و الحيطان
و انسي الروح چنه احباب
خل انسه الضوة المأمول
ما طول الگمر بغياب
و انسه بيوم جنه احباب
بعد ما چنه قفل و باب
هذاك اني الجبت عمري شجر متروك
شجر يابس .
بلاية اوراق و انطر فاسة الحطاب
بعد حد فاسة الحطاب ..
يتانيني الحرگ وي ريحة العطاب
بعد كافي ..
و اعذرني الوجه متعوب
الدمع ينزل مثل تيزاب
طيفك نار و احضننه ابگاية الروح
ما يطفي بعد لمن يطشني تراب
انه العمري شمع بالليل
ثلج بالصيف ..
بوكت هالدنية لو تموز لو جن آب
و اتنطر شتة الاحباب
و اني ادري الحلم جذاب
لذلك ما افك الباب
خاف اأمل و افز عتاب
انه الفانوس و شضرني الگمر لو غاب
بعد كافي
تفيض من الوجه ريحة دمع محروگ
تشبه ريحة العطاب
قفلنه الباب كافي انطر
ريل الما يجيب احباب
و جي محد قراني كتاب
قفلنه الباب….







علي محمد الربيعي

[انثى مخمليةة]

احسسنت النشر

[ڪڪوآيهہ 'ۦ']

جميل