هنا

[فقار الكرخي]

گالتلي ليش التعب ..
گلتلها هنيالي
بس المهم بالحچي يصيحولي الغالي
مو مال اظل مستحي
كون التحبه صدگ
تكتب عليـ ( لافتـــه ) هذا الگمر مالي





خاف نندم
خاف نگضيها سفر بين الگلوب
تالي نطلع من محطات العمر ما حابين ...

شزينهه من تگلي أحبك
الدنيه كل الدنيه بيد العاشگين ....

ليا وكت عن المشابگ ساكتين
مشتهيك و مشتهيني و مستحين ...





عآذرك تغلط بحگي
وتبخل بـ ظـلك على ألنآيم بسدك
عآذرك عن لأ يهم گلبك بـ همي
وتنـترس عينك دمع
و تسيل كحلتهآ أعله خدك





.

وهي من گد ما بريئه
حتى اذا بالصوره شافت شاب تخجل
و تركض ادور عبا

چنت اغازلها ويمرها المستحه وما تلفظ اسمي تگول ها ؟

ها يبعد الـ ها احبچ !





امنيتي ما اعثر بعد
كافي الخسرته من العمر
كافي الشبابيج المشت بضلوعي
خطت جم نده
وبعيوني دفت جم محب
كافي انجفي وكل ساعه اشب






كلتلها ..
تره مجبور ع الفركه !
وتبدت فوك خدها شجم سمه زركه
سكتت .. بس أحس أنفاسها يصيحون
( الميل شما يسافر صاحبه يلحكه ) !!





واشتهيناهم هلاهل
هلبت وياالريح چلمه

ولو چذب هم راح اصدگ
(رف گلبهم واشتهونا )

وبالچذب هم راح اگولن مانسونا





مرات احتار شتعنيلي ؟
احبيبه ؟ لا مو هيچ انتي اكثر

اصفن واحتار والگاني
بكل حيره تمر حُبچ يكبر

و يكبر و انه احس بعمري
عكسياً وي حُبچ اصغر

واصغير حَد الابدي ابچي
-لو غيرچ صَد ليه وخنزر ،






”اعيش انسان
اموت انسان .. اذوب انسان “

بس لايبرد بوجهي اليخاويني
ولا يستثگل الضحكه بروازيني

اليشوف الحلم منهوب
خل يتوضه بسنيني

واليشوف الصدگ منهوب
خل يدفه بدمع عيني

يدين الناس غنيني واخذني
لديرة الحلاج دليني اعله چفيني





والمـا يحبنهہ مـن صـدگ
لا يوصـل لبـاب العشـگ
فقرة ونصـدڪ بـالبـشـر
نفتح بسـرعہ گلوبـنه
مـا مـرة فگرنهہ بغدر
نرهمـ مـحابسـ للشـذر
و گلوبنـهہ تنبض وفـه
ومـآ نغـدر بمـحبوبنه






نمشي وي الدهر دخان
محد يعرف شبينه
ضعنه ولا يصح نادر
يدلينه اعل اسامينه
متواززين
نتوسل سمه البيبان
حته الغربة ضلت ما تلفينا
ملينه ي ذاک الفوگ ملينه

[انثى مخمليةة]