الشاعر حيدر الشكري
#الحزن : من تفتح عيونك وتلگه الناس ما بيهم المنتظرك
من تضحك چذب والآخ خنجر نايمه بصدرك
من يلحگ عليك الشيب وانت اعلى المشط ما عودت شعرك !
.
#الفرح : من تعشگ ابنادم وكت متفارگه يدورك
من تلگه اليگلك كول وتگله اعلى كلشي البيك ويصبرك
من تصغر بعين الناس تلگه ابنادم يكبرك !
.
#الصدمه من تسوي انسان خوش انسان ويغدرك
من تصير عكازه ويتچي اعليك بس من يوگف يشمرك
من توگف اتاني انسان ويعبرك !!
.
#الوفاء . لمن تماشي انسان نفسه بوجهك وظهرك
من تطلع اهلال وتلگه اليتانيك حدما يكتمل بدرك
من تموت وتشوف التحبه ابخور وحده مچلب بگبرك
.
#الخذلان : من تشتري بنادم لكن يخسرك
من تشوف ربعك تارسه الصوبين
وتاليها تطيح ومحد يذكرك
من تلگه هذاك الصرت لجله احزام
اول واحد يكسرك !!
.
..
#الحب . . من تلگه وطن ع التضحيه يجبرك
من تحط حلقتك باصبع التهواه ويبدي من العرس عمرك
من تلگه بشر لو تغلط يعذرك ؟!
...
ل حيدر الشكري
.
رد مع اقتباس
المشاركة الأصلية كتبت بواسطة اسماعيل كاظم البابلي
