سفير السلام
لتعب النده وتقنعه ينزل يـــــــوم
من جف النده ماترتوي الصحره
احتمال الصحه وراد تتهم منشار
اعله اقل تقدير كاطع ركبة الشجره
من تقبل الذل بالقمه ناصي اتصير
ومن ترفض سمو لو عايش بحفره
ماطول بعد يتشتت الموضـــــوع
اكــــــو وجة نظر من تنولد فكره
التاريخ بمزاج اليكتب التاريـــــخ
نهر شيل الجرف يتغير المــــجره
لكن بالثوابت مايحل تزويـــــــــــر
شتكول الشمس جانت كبل جمره
شكـــد سبو علي بلكت يموت الدين
لكـــــــــن بالمقابل وضحت الفكره
حطو جم روايه اتمجد ابن العاص
وشكــــــــــد حاولن ماسترن العوره
ولان كوفة علي محتله ذاك اليـــوم
وجــــــان الامر بيد اليكره العتره
ومسلم نيته ايكسر هبل بـــــــالروس
اذن بالكوفه لازم ينحســــــــم امره
بعد لحــــــد يجاوب فقط بس السيف
وسهام الغدر تتوجــــــــــه لظهره
ظلت مساله يوافق يبيع الـــــــــــدين
ويبايـــــــــــــع يزيد ويترك العتره
لكن دين مسلم مو عرض للبيـــــــع
الغيره براس مسلم كصه مو قطره
ماجيت اعتباط بدعوه منكم جاي
بعد ماثبت كل خد بيه طبع سطره
وبعد ماثبت عدكم بالنهار الليـــــــل
جبت وجـــــه الحسين الليلكم كمره
وبعد ماشمعو ببيانكم بالخـــــــــوف
وخلف كل باب طيب تنكطع زهره
تردون السلم بالذله لاترضــــــــون
يتحقق سلم من تنجــــــــــح الثوره
الفزع قريش وهجر اهل الديـــــــن
على منبر محمد كاعـــــــــــــد ويقره
مارايد جمل بالكوفــــــــــه وتعبدوه
يذكرني بسوالف بيـــه الف حسره
سدوا باب اذنهم حــــــتى ميسمعون
وردوله الجواب ارمـــــاح في صدره
برجاحة عقل مسلم واضح الموضوع
درب حسين لازم يبدي من نحره
شاف الخطبــــــــه لازم تنتقل للسيف
مسلم يستمع والسيف ظـــــل يقره
مسلم كال ( لا ) حط صرح خالد بيه
والصـــــــــــرح ب (النعم) ماينذكر كبره
الجميل
علاء ال ياسين
رد مع اقتباس
المشاركة الأصلية كتبت بواسطة husaam
