روعة الاشعار الشعبية القصيرة
يا ليتني لم اعتني چا هسه عدهم غالي
من اتفگدت حال الربع محد لگيته بحالي !
تريد مني انساك يالعايش عليك ؟!
الطيره ونستها بشجر بستانها
شلون اسد موضوعك وما احجي بيك
الباب من تنسد تعض السانها !
و اني أول ما طحت محد وفالي
ليش بعتوني برخص ؟!
كلشي باول طيحته يبيعونه غالي ؟!!
الما يحن لا يحن
يا كلبي بسك حزن
باب العتب سدها
مرات ذله العتب وي ناس عدها دغش
واحساس ما عدها !
كافي تسوي زين
ال ناس مو زينه
هو الما يكسره افراك
بيمن. تنكسر عينه ؟!
ابد مو مشكله اليهواك
طبعه وياك يتبدل
هيَ المشكلهَ
يعوج ويآك انسان
چنت تصيحلهَ معدل !
امشي أعوَج
واليهملك هم اهمله
الموس من يمشي عدل
محد يحمله !!
طحت محد وكف وياي
شفت الناس تتلاشه
حتى الكذله من تطيح
هم تشيلها الماشه !!
بده براسي يضوي الشيب
وستوه العمر بادي
اثاريها السنين اشموع
تطفه بعيد ميلادي !
خطيه الطين صار انسان !
يكره ينجرح يجرح
لو تنور چا يفرح
هاي الناس بس تخلص مصالحها
بعد للعشره ما تصلح
سهرانين من الضيم
ويكولون نتعلل !!
بشر مو انبياء الله
حتى هواي نتحمل
هاي الناس ما تنجاس
اسكيها بوفه وتذبل
اكشخ بيش واني مفارك معدل
شما البس واجيب اهدوم
احس رويحتي مبهذل
جميعها للشاعر
حيدر الشكري
رد مع اقتباس