مساجله بين اياد عبد الله الاسدي وبين الانسان الشاعر عدنان الغزي
يغزي اتعلعلت روحي ،، وياهه
مرض وتمرض اليوكف ،، وياهه
ابشرك يابسه وشامت ،، وجاهه
علت ودلي المتيهين بيه
#اياد_عبدالله_الأسدي
الجفه محصول روحي ،، من وفاهه
صحبتي ديون تطلب،، من وفاهه
تون وهدوم تدوي ،، من وفاهه
العمه يندل شكو مضموم بيه
#عدنان_الغزي
اشوف الخلگ شافت ،، راحه كلهه
ونا الخمسه ابيمنتي،، راح اكلهه
الحرگ ثوبك يغزي ،، روحي كلهه
حرگهه ودفه اليشمتون بيه
#اياد_عبدالله_الأسدي
الدفه بنارك عسه نارك ،، يصلهه
ولا وياك غاياته ،، يصلهه
الصحره اتعرف مضمونك،، يصلهه
شرس جدك منو بالغاضريه
#عدنان_الغزي
دمعتي ابطرف عيني ،، حيه بيهه
خدي انزلت تچوي ،، حايه بيهه
يغزي احلوگ ربعي ،، حيه بيهه
اونفخو نفخت ام راسين بيه
#اياد_عبدالله_الأسدي
اشكر الله الجفن صار هواي ،، ماحاي
بسبب كلبي ربع مجفين ،، ماحاي
انه بيضة صكر شاهين ،، محي
ترف لكن مخالب صكر بيه
#عدنان_الغزي
رد مع اقتباس
المشاركة الأصلية كتبت بواسطة فقار الكرخي
