عن طريق الصدفة شفت إبنيه قبل كم يوم بعد الساعه ال 2 بالليل عمرها تقريبا فوگ ال 12 سنه تبيع ماي وذني الكاكاو ومدري شنو طبعا اكثر من مره امر والگاها نايمه يم الصبه بالفلكه ابغداد لمن سألتها گالتلي اني ابوي تاركنه واني المعيله لامي واخواتي الزغار
لا اله لا الله



إحديثة ماااااي
…… ..

طعم چكليت
واگطوف الجگاير بالشوارع كيت
احديثة ماي…
من تفتر تبيع الماي
تلهث والسچچ تموز
تشرب ماي
تّعبر والمَعزه إضيع
بين ادروب المتيهات
ما تشتم عطر مشموم
يم گذلة
حچي الشينات
تلتف والهدم للگاع
تسحل بالخبز للبيت
حد وي المسيه اوداع
احديثة جاه
راعي البيت ما لهم
تبدت ع الرصيف أحااا
تمر بيها السوالف هااا
ولا واحد شهم تنخاه
كلت شمس الله منها اهدوم
ما جاست وجها إشااا
تِنام وشجر يوگف طوف
يستر طولها إمن الخوف
ينزل كل غصن بستان
يم ازلوفها النفنوف
تنود وچفها ما ينجاس
ينمد كل قصد لله
مو تستعطي من الناس
تنام…
وكل سواد الليل
يم جورابها إمنّعس
تتّوسد حچي الطابوگ
حچي الريش متنّحس
تصلي اويه الصبح دمعات
تصعد بالفرض لله
وتَسد شوف النجم چويات








الانسان فارس الشِباني