هنا

[Haidar Iraq]

صباح الخير ..
____________
اذا بَعد بيك حيل .. لاتطلع تقاعد ..
أي بمعنى .. خليهم همه ايگلولك .. عمي بعد مابيهه مجال ..
لازم تطلع ( إجباري ) ..
أما إذا بَعد عندك مجال للدوام ..
أبقى داوم .. تره من تطلع اتشوف الظيم ..




تطلع تقاعد ليش ؟ صَدگني مو خوش ..
تاليهه بس بالبيت ومگابل الحوش ..

تطلع تقاعد ليش ؟ صَدگني مَتفيد ..
الحزن راح أوياك ماينقص أيزيد ..

تطلع تقاعد ليش ؟ أبقه أبداومك ..
من تشتغل يفلان يقوَن أعظامك ..

تطلع تقاعد ليش ؟ لتفكر أبهاي ..
تگظيهه بس بالبيت وتخلص الچاي ..

تطلع تقاعد ليش ؟ ياخويه بالك ..
صَدگ أتشوف الظيم تتعب أحوالك ..

تطلع تقاعد ليش ؟ حيلك بعد بيه ..
للوطن هذا الحيل كون أنته تفنيه ..

تطلع تقاعد ليش ؟ مو بَعدك أزغير ..
من تطلع أنته ابيوم تگظيه تفكير ..

تطلع تقاعد ليش ؟ بَينلي الأسباب ..
لتگلي شفت الظيم تعبانه الأعصاب ..

تطلع تقاعد ليش ؟ أبقه ابمچانك ..
ترچيه مني ودوم حطهه بأذانك ..

تطلع تقاعد ليش ؟ والحمزه تخسر ..
تلفيلك الأمراض والوجه يصفَر ..


والسلام عليكم ورحمة الله وبركاته ..

[KASSAR]

الله. الله شعر معدل

[Haidar Iraq]

الله. الله شعر معدل

شكراً لك ..

[☆Mohammed☆]

حلو حلو
اني خدمتي 16 سنه
اذا اطلع تقاعد لازم اگظيه بالگهاوي وبالبيت محد يريدك خاصة اذا عمرك عبر 50

[Haidar Iraq]

حلو حلو
اني خدمتي 16 سنه
اذا اطلع تقاعد لازم اگظيه بالگهاوي وبالبيت محد يريدك خاصة اذا عمرك عبر 50

حضورك الأحلى ..
شكراً لك ..

[انثى مخمليةة]

حلووو ولله هههه

[علي الاسدي**]

هههه حلوو

[ڪڪوآيهہ 'ۦ']

ههههه حلوو

[Haidar Iraq]

حلووو ولله هههه

حضوركِ الأحلى ..

[Haidar Iraq]

هههه حلوو

حضورك الأحلى ..