بأيام الصيف جنّه نفرش وننام عالسطح ، بيوم من الايام صعدت حتى أنام، جنت كلش تعبان وعندي تشنج بالرقبة ، تمددت على ظهري وخلّيت أيدي اليسرة جوّه راسي ونمت، جانت نومه عميقه ما كعدت ألا لما الشمس لاحتني . فتحت عيوني ، تمطّيت ،وخّرت اللحاف بيدي اليمنه ، حاولت احرّك أيدي اليسره بس ما تحرّكت ، مدّيت ايدي اليمنه وكمت أدوّر على ايدي اليسره ... ماكو... اختفت! حتى مكانها صاير مثل حفره..
كلش خفت وكعدت عالفراش ما اشوف ألا وايدي اليسرة توكع بحضني وهي متخدّره ( لان جنت نايم عليها الليل كلّه ) شكد فرحت لمن لكيتها...
وكمت اصيح... وجدتها ... وجدتها
رد مع اقتباس
المشاركة الأصلية كتبت بواسطة Haidar Iraq
