للمهدي
يمته يهل دمع الفرح / وسمع خبر جاي
وفرح مثل فرحت فلح / من ينزل الماي
طال الغياب / شنهي الاسباب يابو صالح
/////////////////////////////
طالت اعليه الليالي ولهجر طال
انا بس اقره بدعائك ولدمع سال
نضره منك يابو صالح تحيي الامال
حته وي الطير الك وديت مرسال
موشابت رموشي وعلي / من انتضارك
جايمته نفرح يل ولي / جرد فقارك
دمعي سجاب / شنهي الاسباب يابو صالح
انطر وكلي امل هسه تجيني
وترجع البسمه اعله وجهي يفض ونيني
زودت همك لجن هزني حنيني
الشوفتك مولاي لهفه الهن سنيني
اليعقوب يوسف هم رجع / بس انته ضليت
يايوسف الزهره نفجع / كل شيعي ماجيت
يدي الصواب/ شنهي الاسباب يابو صالح
غايب علينه الفرح طول ظهورك
يمته ياشبل الحسن يلفينه نورك
ظلمه صارت دنيتي جايمته دورك
ترسم الفرحه على لايتام بحضورك
يل سافرت يمته ترد تحيي زهورك
وينزل نداك علل الورد / ونشتم عطورك
والكلب ذاب / شنهي الاسباب يابو صالح
ما نسيتك يابو صالح وانته عالبال
بيامكان انته اسكنت ياصحره ياحال
ترضه زينب جتفو جفها بالاحبال
درس سوت بالطفوف الكل الاجيال
جايمته وعدك يالتحن / لعمتك يامهدي
وتريح كلوب التون / لجلك ياوعدي
ودفعت الباب/ شنهي الاسباب يابو صالح
ارد اسولفلك حبيبي عن رقيه
كون جمر الجوه اديها ايجوي اديه
طفله واعله الخد مدامعها جريه
طاحت ولوعها سوط ابن الدعيه
جايمته اشوفك وشتكي / هم العليه
طول غيابك ورتجي / ثار السبيه
راسي هل شاب// شنهي الاسباب // يابو صالح
الشاعر
حسين الزيدي
رد مع اقتباس
