ابوذيات شعرية روعة
اصحاب بهالوكت مامش وفلها
وتشج برماحها بكلبي وفلها
اعتني عنوة لطلايبهم وافلها
وانه بطلابتي يشمتون بيه
ابراهيم طلب الشطرة
***
يربعي الليل ما انامه. واحسبه
واعده ساعةً ساعة. واحسبه
اله حسبه التسليني. واحسبه
التهيج ضامري وتعم عليه
حسين الثويني الشطرة
***
شتظن من الونين بيوم يفناي
كذا حالي شتظن الشوگ يفناي
وغيابك ملتقن فديوم يفناي
جفن شمر وجفن عباس بيه
عاصم عبد الحلة
***
وحك صورة الم نشرح. ولنفال
لساني نعكد من شفته. ولنفال
دعيت الباري بالخمسه. والنفال
قسمتي يصير حد يوم المنية
ابو معيشي سوق الشيوخ
***
صديجي ماگظاله شغل لولاي
وعليه ماچنت انام الليل لولاي
گلت هذا الينشف الدمع لولاي
صدگ بأول مصيبه اشتمت بيه
الراحل جواد جعفرالدريعي الحي
****
منهو الكدرك ياترف. منساك
يبو ثغر البعود الارك. منساك
انا بحتف المنايا وكلت. منساك
بنهر جاسم وذكرك عصف بيه
الراحل عطا السعيدي البصرة
****
يروحي ان صبرتي وان. يرتاي
هاي وي المصايب دوم. يرتاي
اكومن ولو كاس الصبر. يرتاي
حيه من شامتي مو حيل بيه
يوسف الكوبع سوق الشيوخ
***
انه اللي يعِف لو يوم يوله
رغم مالعب بيه البين يوله
يدهري اتجوز مني بعد يوله
اعله گد ايدك شفتني وعلِت بيه
الشاعر سعد جاسم الحي
***
اطالع غير درسك تضن. والها
وروحي من يهل بهواك. ولها
اهي بالغرغرة وترجاك. ولها
امل وتكول هسه يعود اليه
الراحل هاشم فليح الشطرة
***
هنا يلجان طرفك. لامحنه
يضل جفي عله بابك. لامحنه.
لا ضلت شفاكة. لا محنه
الهلا شرخص الهلا وشحت عليه
حسين صالح الشطرة
رد مع اقتباس
