بس أنــت بعشرتك ما جنت ابيض
من هالساعة رايح والــدمع ينفض
مثل طير الحـمام البلقفص ينكض
ابيض صير گتلك واعبر اعل الليل
بس أنــت بعشرتك ما جنت ابيض
تيهت السـمه بجناحك أنت الصوج
بجنحانك خلل ما بــيهن الــينهـض
رجفت خيط ترجف كل وجع مابيك
وانه عليهّ الوجع بالنوم ظل ينقض
فتوگ أرواگ گلبي مفتگ ومخلول
كل هــذا واگـــولن اشوه ما ينرض
بصدى صوتي الدمع بمرايتك ينشاف
وماشفت الـسواد اعله الجفن يكتض
اســود گلبك وگلـت الحــذر مطلوب
الــسرگي البلقفل مجـبور من ينعض
عرفتك منتشي والــــغير طايح ليل
لذلك شوفي ع النجـمات ظل ينغض
يعرضن بالچفن واعصرهن من أشتاگ
وطيحهن اووگـوف وكلشي مـاينفض
ادري شــمـا اغـنــي بليـلـه ما يحتام
متـــــــــرده الاغــاني البلوعد ينقض
اصعـب مــرحلة من ترد خــاسر ناس
بعـالي الــصوت صاحو هسه يتعوض
عبدالله آل سلطان
رد مع اقتباس
المشاركة الأصلية كتبت بواسطة فقار الكرخي
