هنا

[سمراء من قوم عيسى]

هنيال الشمس
تنزف ضواهه
وتحترك وتموت
واجروحي
خشب تابوت
هاي اوجوه ماتحزن
هاي اوجوه ماشكت سججه ادموع
واحنه اشطوط بيهه الماي متوهدن

[فقار الكرخي]

لاتسولفلي اعلى وادم مايجون..
خلها وي ربها التشد ارحالها..
ظل وحيد ولاتظل عدهم رخيص.
النجمه هم عاشت ابدون هلالها..
انا مثل الساعه ما عندي انتظار..
الساعه ماتنتظر حته اميالها..

[فقار الكرخي]

‏الليل يلگط وين ابو جرح الثگيل
وين ماصح ادمي وابيض دليل
يدور ادواره على الفاگد حبيب
ادري ليش يغثك اليضحك قليل

[تشيللو]

لگيناكم
سفر نجمه
تطيح اشما جفن يعثر

وحچيناكم
سوالف ماي
حسبنه گلوبكم عنبر

يل موش اعلى گدكم ليش ؟
گدرتو الشمس بالگاع خاف افيايكم يزغر

واهي الدنيه عطش ليله !!
شراع الما تضوگه الريح ما يكبر

كاظم الركابي

[فقار الكرخي]

ذاك مــن ذاك التـشوفــه
وگــلبك الگلـبه يدگ
ذاك من ذاك التحبة
ويسوة عشگك من صدگ

[فقار الكرخي]

من يمك حچو ٓ بـ الشوگ
ما چان اعلا شفتك اسميً متمدد
عفتني بسرعةً ويسئلون
واگلهم چان متردد

[نـارڤـين]

عيش طيـر الگـاع مابيـها مـچان
وغـني بـس الروحـك وسـولف هـواڪ
نجمــه ماخـلوك بالليـل الطــويل
لاتخليــهم گمر ياخـذ سمــاڪ


ازهـركـريـم

[نـارڤـين]

الصـدگ يرتاحـلك يتنـفسك شـوگ
بعيد وگـلبه يدري شبـيك مابيك

اليحبك ما يحـط لمواصله اعـذار
على فراش المنيـه ويسأل عليك.

[الجنوبي ابن الناصريه]

ااسولفلك سوالف تختلف عن الناس
اذا تسمحلي أريـدك تكــعد وتسمع
حبيبي وداعتك صدكني هاي العين
بس اتشوف شخصك تكتفي وتقنع
واذا نكعد سوه ونتسامر اني وياك
ولــو اكضي الــعمر ويــاك ماأشبع
بين الــناس لاتطلع حــرام عليـك
صــدك مـــِْن تــمر عيونهم تدمع
لاتزرع ورد بالبيت تتعب لــيش
بس دوس الارض انته الورد يطلع

[فقار الكرخي]

تره المشتاك تالي الليل
يرفس كلب عافيته
يخلص الليل رايح راد
يسأل وين تاليته