يا عثــگ نخل الجنوب
يلحلاتك شرگتني بغير ضوگ
طيح ع اليهواك طيح
گبل ما تيبس حلاتك وانته فوگ
يا عثــگ نخل الجنوب
يلحلاتك شرگتني بغير ضوگ
طيح ع اليهواك طيح
گبل ما تيبس حلاتك وانته فوگ
آعله گد أسمك
رسمت الصَفنه مرجوحه
ولگيت أسمي
طفل فرحان
بيك ويدفع بروحه
شحلاتك لو كلت عفته
واكولن جابني بطاري
لگيناكم
سفر نجمه
تطيح اشما جفن يعثر
وحچيناكم
سوالف ماي
حسبنه گلوبكم عنبر
يل موش اعلى گدكم ليش ؟
گدرتو الشمس بالگاع خاف افيايكم يزغر
واهي الدنيه عطش ليله !!
شراع الما تضوگه الريح ما يكبر
_كاظم الركابي
أعرفچ صايره بوجهين
وجه شايل قساوه
ووجه حنيّه !
أعرفچ ( إنتي هيّه )
اثنين ، صح لونين
بس بگلب واحد .
يحچي بس بيّه
گلب واحد .
أعرفه ..، ويعرف شبيّه
واگول اترد
ولملم روحي للملگه
وحنّي جفوفي للشبگه
وشتل عالجفن بيبان
بلكت باب اليخضر
تشوفه وتعتني ادگه
والله أستحي أحچيهن مثل ما هنّ
خاف أنحسب محتاج وجاي أتمنه
بس للثقة ، موجوع و گلبي يحن له
وسائل عليه حد ما عجزت أندله
الچنت أدنّي بعمري من يتدنه
خلاني فارغ مني مو بس منه
انته ويه الشمس متطابق الاوصاف
بس شنهو الفرق ما بينها وبينك
الشمس وكت الغروب يروح منها النور
وانته بليل هندس تضوي خدينك
كبرت وزدحم بااغصانهه الشيب
وگامت تـنتچي بظهر العواچي
الما لبست تراچي وصوغه لليوم
اتگول احچاية الوالد تراچي
امي العلمتنه الظحكه والخير
وٱحنه العلميناهه البواچي
محرومة شدات الورد ياحمرة الشفة
ترسن جفافيجن حسن لو مرت الزفة
ليل وكمر ونجوم
والهيل مامفطوم
والروح ماتحمل ثكل ترفة