أفرح لو شفت وجهك وسر بيه
وحبك ثابت بكلبي وسر بيه
شما طال الدرب امشي وسر بيه
واجيب الروح لعيونك هدية
أفرح لو شفت وجهك وسر بيه
وحبك ثابت بكلبي وسر بيه
شما طال الدرب امشي وسر بيه
واجيب الروح لعيونك هدية
حبيبي لاتشد راسك سلامات
مريض وصلت اخبارك سلامات
عسى الجروح لبجسمك سلامات
تطيب انته ويضل المرض بيه.
نفنوفك البارد زغر
شايل نثايه من الگمر .. !
الفضه شربت رگبتك
والمستحه اشراع النهر
ظلمه الثياب الضمتك
من زيجك اتبده الظهر
شمس الصبح من دنكت
حومر خجل زيج الشگر
كاظم الركابي
الماينام الليل صاحي ومو عليل
دور بأحساسه تلكه المشكله
لو مفاركله وطن لو غثه ناي
لو شريك انفاسه مامقسوم اله
تحياتي
المني بيه يگول ...... گطعي وجزه الحد
واني عله جاري الشال لابس سنه اسود
چا ليش اليقدر الناس ما يلگه اليقدرونه ؟
يا رخص البخور يموت
يم خشوم مدفونه
گلت ربعي وبيهم اتحزم واگوم
تالي أول ما طحت دفنوني .. !
ناس رباهم نبي وغدروا عزيز ..!
بعد ما اعتب على الغدروني
حيدر الشكري
تصاحب
الشيب ويه شعري
والمرايا
استغربتني !
مثل شيب
النوارس
حزني ماينشاف
كافي أظل مناطرك
والدنيا ليّل
تدري بـ المشتاگ مايهوه السهر