هنا

[إدريس]

مرحبا درر
أهنا مساحة لمصطلحات غريبة تطلقونها على اشياء عدكم بمحافظتكم ..

مثلاً هذي النبته احنا ناكلها اسمها
شيخ اسم الله





وهذة نبتة بالعربية اسمها تيفا
احنا نسميها طراش الاذن
هذا اي اي خبيث ينثره ههههه ويملى الجو ويچلب بالهدوم ويطب للأذن



واكو بعد الـ عتلوّ
وهو عجين ينحط بالطاوة وبعدين نطلعه ونحطه بالشيرة ...


وطبعا اكو طبق بعد كلش مهم
الخميعه
وبالكوت حسب ما وصلني اسمه قميعة

وهو عبارة عن ثريد فوكاه حليب ثم دهن حار ثم شكر
.
.
.
.

يله هسه دوركم حبايب
احچوهن بالعراقي واذا انتوا من غير دول وفهتموهن گلولنه شسموهن

[NO OR]

بس انت يا محافظةة؟
اول مرة اسمع بيهم

[إدريس]

بس انت يا محافظةة؟
اول مرة اسمع بيهم

ديالى

[اسرار الكون]

مرحبا
المصطلحات اللي كلتهن لا اعرفهن
ولا سامعة هالمصطلحات ابد

وبغداد ع الاغلب ماعدنا مصطلحات غريبة يعني معروفة واضحة

[نرجسية]

اني بغداد..

ماعرف هنه هواي

[Mohammed K.F]

اكيد لكل اسم مناسبة او قصة...فاذا عندك معلومات عن اسباب هاي التسميات ممكن تذكرها حتى نستفيد اكثر
موضوع جميل..متابع واحتمال مشارك

[تـمــيــڒ]

اعرف المسموطة تفيد؟

[CaSpEr]

الاول نسميه (حلبلاب) ويتواجد بكثره بالبساتين

الثاني نسميه (نفاش)سبب الاسم نفس السبب الذكرته انته ويتواجد بكثرة بالبساتين والاهوار

الاخيرات ما اعرفهن بالاسم بس اكيد اذا اكو صور فـ راح اعرفهن

وأيضاً متابع

[إدريس]

مرحبا
المصطلحات اللي كلتهن لا اعرفهن
ولا سامعة هالمصطلحات ابد

وبغداد ع الاغلب ماعدنا مصطلحات غريبة يعني معروفة واضحة

هههههه عااا طلعنه كائنات نادرة ولهجتنا غريبة
دوري منا مناك بلكي تلكين شيء

[إدريس]

اني بغداد..

ماعرف هنه هواي

هلا بيج على راسنه
كليلنه بعضهن ؟