انـا وانتَ
من الأهل ضلينا
حسين خل نگُعد
ونبچـبي علينـــا !
لاتگلي الـ نوب
زينب كابري
من آمـس يحسين
كـاسر خاطري
انا وانتَ
كلهـم اخواني الجفو
چنهم بوجهك غفـو
البگة براسك كون ما تجفيني ..
انا اول أم نست ولد عدها وشيبت
چني طفلة عيَونك اتنسيني !
ولدي طاحو بين اديـدك ..
مابچي عليهم عليـــك !
حسين وانتَ بـ يتنة تبچيني
شلون هسه ولا اخوان وصديج !
وحيد والحر ما مخلي عليك ريج..
انــا ... وانتَ
من الأهل ضلينا
حسين خل نگُعد
ونبچـبي علينـــا !
لاتگلي الـ نوب
زينب كابري
من آمـس يحسين
كـاسر خاطري
انا وانتَ
گلي يحسين شكثر بيك لهفة على الزغر !
بحضــن أمنـة نـام وتسلينـة ...!
حسين لو رد العُمـر ناذرة أسهر للفجر ..
بيـن عينـك والـ موذر عينـة !
حسين تذكر من چنت يضيج خلگك لو نمت
تغفی يم رأسي وعـلي يغطينـة ..
گبل لمن چنت تطـلع من هلي !
لمـن ترجع أبچي بغرفة علي ..
أنا .. وانتَ
من الأهل ضلينا
حسين خل نگُعد
ونبچـبي علينـــا !
لاتگلي الـ نوب
زينب كابري
من آمـس يحسين
كـاسر خاطري
انا ... وانتَ
عـله ابني ماححن الحضن انا بس عليك احن
والله مـاتعرف تححن الناگة .. !
هو غير لي يغيب الوجهـه يشتاگ الحبيب
شـو انتَ گبالي والك مشتـاگة
لو رحت لا تبتعد لو ترد لو هم ترد
گلي لو نتـلاگة لو نتـلاگة
گبل لو گالو چبد بس ليك اصد
مادري وحسبالي الحسين الچبد
انا وانتَ
من الأهل ضلينا
حسين خل نگُعد
ونبچـبي علينـــا !
لاتگلي الـ نوب
زينب كابري
من آمـس يحسين
كـاسر خاطري
انا وانتَ
هـا يريجي المـاشرب ردت منك بس طلب
وادري زينب داعتـك وبداعتـك !
عليك احس گلبي نلچم گمت اشمن بيك دم
اخذ روحي وروح موت براحتـك
ضيعت عباس انا وهلي ولدك والضنـه
بعوز كُلشي ولا اضل بعازتـك !
باچر اتمـايل وتكلف ميلتي ..
ايد لـ طفالك وايد الشيلتي !
انـا وانتَ
لو طححت والخيـل أجت
حسـين احلفك بـ البخت ..
ضملي وجهك حتى اعرفك من اجيك
لو طحت فوكَ الأرض لا تنـام الهن عرض
ولو هنَة منين ما تندار بيـك
موش كلك تنثلم خخاف احيرن وين أشم
خاف اشمك خاف جرححك يگصي بيك
حسين يـ بن أمي الحوافر يوجعن ..
هلبت الله يعثرن وما يوصلن ..
انا وانتَ ..!
اداء : فـاقد الموسوي
لـ الشاعر : احمد المشرفاوي
تدوينـي
رد مع اقتباس
المشاركة الأصلية كتبت بواسطة براءة العشق
