هنا

[تّـفـاَصيلـٓ]

روحي الما رواها الماي حكها عليك
لرسم ونتي على اوصافك الحلوات
ياريت الحلم بس بيك
طاحونة الحزن
مابطلت روحي
تحن و تدور و اتلاكَيك
كالو ماتجي وجذبت وامتانيك
يا واحة بنفسج و ازود واطعم
ابيعك ونخبص وانذم
ابيعك واندم واشريك
ياذاك الذهب لوبي رخص ... تشمت الفضة

واعديلك جثيرة اجروح
وامطرلك محنة وبالتعشكَة ارضى
وحكك طيبة اليوفون طيرة ماي
لابد ريشها تنفضه !
وتضل مناطرة لملكاك
لاموني ويلومونك
واضيعك ضيعة الزيبك وارد الكاك
لاموني هلي ورديت
واثيابي تعاتبني ... وبعدني اهواك
اغربل ماي ؟؟؟
اشوه ولا اكَول انساك


ياشنهي المَلحَة ال منك على الروح !!
ارضالك واكلك زيد
وانته المن يمر طرواك
يتحنة الورد
ويطلع البستان ب جويريد
ي ال منك دواليب الحزن والعيد
يل امحبتك بالروح مثل الخيط
كل ما ينكطع يطلعله راس جديد

ويطعم حلاوتها
وارد بعيون
شافت ما تشوفه مراية العريس
واحتام على شوفتها
وعلى الهجروك ... لا تحسبني عل هجروك
كل وردة ولها ريحة
وكلت للزاعلين عليك
شيضر النهر من تزعل الجيحة
( واخاف توهمت وياي ؟؟!!
من تتشابه البيبان .. كل باب و مفاتيحة )





المبدع جداً السماوي محسن الخياط


تنوية :
جويريد وهو بداية فصل الشتاء عندما يبدأ البرد يجرد أوراق الأشجار وتصبح جرداء لهذا جاءت التسمية مطابقة ويقابله بالأشهر المتعارف عليها كانون أول
الزيبك هو الزئبق
الجيحة هي بركة الماء

تدويني

[فقار الكرخي]

الله روعة
يسلمو