وصرت أغار أنا منها عليها
تعاتبني بنظراتن خفيه
.وأجاملها ولا أدري وش وراها
وأجاوبها بنظراتن حزينه
اتعبر عن ضنا الروح وشقاها
أسايرها واجاوب كل نظره
وأخبي الوجد وأبحث عن رضاها
قبل ما شوفها ظنيت قلبي
دله عن سيرة الحب وسلاها
وعقب ما شفتها عرفت قلبي تناساها
ولكن ما نساها غلاها يزيد مع زود
الليالي وباع الناس قلبي واشتراها
وصرت أغار أنا منها عليها خطا نفسي
وأنا أتحمل خطاها وأغار من امها حتى وأبوها
وأغار من الذي بأمره ولاها
وأحسد اللي تبره بالرعايه وأحسد اللى بأحاسيسه رعاها
وأحسد البنز لا قامت تسوقه أخاف أنه يشاركني غلاها
وأحسد الريح لاحرك شعرها واحسد عيون غيري لا تراها
وأغار من القمر لا شع نوره خذت نور القمر وأصبح ضواها
وأحسد الشمس لا بانت عليها أشعتها تسبب في أذاها
وأحسد الأرض لا داست عليها أثر خطواتها يحي ثراها
وأغار من النجوم إليا تعلت وشافتها وعيني ما تراها
واغار من الهدوم اللي لبسته عساها ما تجرحها عساها
وأغار من الخواتم في يديها وساعته وكل اللي معاها
وأغار من القلاده في نحرها وأغار من الشع لمن كساها
وأحسد اللي سكن بالبيت معها ولا أبالغ أنا احسد قصراها
وأحسد القلب لاقام يتمنى لأن القلب ما يصبر بلاها
وأغار من القصيد لا قرتها ولو هي قصتي وأشكي جفاها
وتشمل غيرتي حتى المرايه يحق الها بشوفتها تباها
نعم وأغار حتى من الوساده وأحسد افراشها ويا غطاه
إلا يامن يساعدني عليها يوصلني هو النفس ومناها
عجزت أعالج اجروحي بروحي وأنا ان طولت يذبحني هواها
رد مع اقتباس
