رسالة الأستاذ/ ستار شاكر العبيدي:
(( طلاب الثالث المتوسط بعد التحية والسلام ))
ركزوا وياي هنا بهذا المنشور
كمراجعة مركزة لمنهج
رياضيات الثالث متوسط
قبل امتحانك الي راح يصادف ( يوم الاثنين 17 حزيران 2019 )
عندك بالاسئلة 14 فرع والمطلوب تجاوب على (( 10 فروع ))
ولكل فرع 10 درجات مقسمات بالتساوي على خطوات الحل
لان الاسئلة 6 والاجابة عن 5 أسئلة بالاضافة الى الترك الضمني ضمن اسئلة تحتوي ملاحظة ( اجب عن فرعين ) وتشوفها بسؤالين موجودات . وبكل سؤال اكو 3 فروع وهنا تترك واحد منهن تشوفه صعب
اخذلك دقيقتين او ثلاثة أقرأ الاسئلة بدقة واستطلاع
ثم أبدا بالفروع الي تعرف تحلهن ( اختار وابدا بالاسهل والابسط والاضمن )
من الان اكولك راح تشوف 3 أو 4 فروع صعبات ولا تظل صافن بيهن
هنا استغل نعمة الترك وبدون ارتباك لا سامح الله
واترك اي سؤال او فرع ماتعرفه وابدأ بالسهل والي درجاته ضمن متناول اليد .. اول ساعة من الامتحان اريد ضامن ال50 ( كحد ادنى للنجاح)
وانت صاعد جمع اكثر واكثر واعرفك جدير بالنجاح والتسهيل من ربنا
_______________________________________
مرفق مع المنشور اربع نماذج لاسئلة وزارية افتراضية شاملة
على الطالب ان يجرب الحلول والوصول للنواتج الصحيحة
بسهولة واتقان مع تجربة الحل في ورق مسودة ومراجعة الحلول الصحيحة
في الكتاب المنهجي او الدفتر المدرسي للوقوف على الاخطاء المرتكبة اثناء الحل
وعدم تكرارها في اسئلة مشابهة نراها في الامتحان الوزاري
(( والتوفيق للجميع ان شاء الله ))
رد مع اقتباس
المشاركة الأصلية كتبت بواسطة Fatima Al-Badiri
