هنا

[فقار الكرخي]

وحكَ العافيه التذبل لون ماجيت
تعال الساعه تسأل عنك هواي

صرت مثل الحطب من ينشمر بالنار
وباخر محطه يهد عليه الماي

شسولف ياحجي الينفع بعد وياك
اشتروك بضحكه جذبه وعشكَ مو بناي

وحكَك من رحت تمطر دمع هالعين
وبكَاعي تدوس الوادم الحفاي

ضميتك بروحي وكلت لا ينشاف
احملت حر الشمس سويت روحي فياي

صرتلك بير تالي تكَول مو عطشان
شعملت وتالي تتكبر صرت وياي

عكست مااضنهه تصاحب المشتاكَ
صرت آنه برد صارت جمر دنياي

تهت نص الدرب والرجعه صعبه تصير
وبقيت لوحدي مابين هاي وهاي

ولا اصدك بعتني محالل وماهوب
اليريد العشره لازم مايمس مكَفاي

يغيم وجهك من اجبل عليك بيوم
السوالف خلصن كَمت اسحل بممشاي

يكشخة مستحه بديوان ناس غراب
ماجنت اعتقد صاير يغث ملكَاي








الشاعر محمد نجاح

[اسرار الكون]

ءويلي ع الدراما

مشكور ع النقل

[سمراء من قوم عيسى]

عاشت ايدك

[آيـــــة]

يخبل