هنا

[Ali Araak]

مساء الانوار..
شاعر الدارمي يگول..
ترس ايدي اجه العنكود بس اني عفته
چي لنه حيل زغير هل ما گطعته
بقلم : الشاعر عايد كاظم الشبلاوي

فرد الشاعر ناظم حمزة ﺍﻟﺠﺒﻮﺭﻱ
ترس إيدي إجه العنكود بس آني عَفّيتْ
هاي الشَهامَهْ وياي چي لَنَي من بيت

ورد الشاعر حميد مراد
ترس ايدي اجه العنكود ماضكت طعمه
يذبل اخاف عليه لمن الزمه

ورد الحاج ثائر وحيد ﺍﻟﺠﺒﻮﺭﻱ
ترس ايدي اجه العنكود يالماتشوفون
احذر واخاف عليه من شوف العيون

ورد زيد قارون ﺍﻟﺠﺒﻮﺭﻱ
ترس أيدي إجه العنگود عفته وتركته
واليدنه بنت الناس مردوده بخته

ورد سالم ال كرو
حيل اكطع العنكود بالك تعوفه
لو هو من بيوت محد يشوفه
وقال ايضا
همشت عل عنكود مالحته يفلان
حامظ كلت ميفيد رداني زعلان

ورد محمد الزيادي
ترس ايدي اجه العنكود بس ما لزمته
حيل استحي من الناس هل ماكطعته

ورد كريم ﺍﻟﺠﺒﻮﺭﻱ
عمده اهمش العنگود واللذه والفوز
تتحسف اعله الراح لوطرك العوز.

واني اكول ..
ترس ايدي اجه العنكود بس شلت اديه
واليمد ايده اعليه لسبي سبيه






وانتم شتكولون ؟؟

[فقار الكرخي]

كون احضة بالعنكود بس ساعه وحدة
ما حاجة اكمل البيت تعرف الزبدة




عاشت ايدك عالموضوع

[Ali Araak]

كون احضة بالعنكود بس ساعه وحدة
ما حاجة اكمل البيت تعرف الزبدة




عاشت ايدك عالموضوع

الله الله اي والله الله يساعدك ههههه

[تّـفـاَصيلـٓ]

[Ali Araak]

نورنا مرورك

[انثى مخمليةة]

الله حلووو

شهيتنا ع العنب ههههه

[Ali Araak]

الله حلووو

شهيتنا ع العنب ههههه

هههههه يسلمو على مرورج

[نرجسية]

عاشت ايدك