هنا

[فقار الكرخي]

بديت اقراك
من اول ضمه بالروح لـ آخر نبع طگ بيه اعله محرابك و روتني حروفك وصليتلك فجرين
وتيممت بترابك
شلم من روحي واقرالك ..
انه طشيت كل دمعه اعله شمسك
بلگت تردلي ضحك مصيوغ
ومتانا
السن الينشمر للشمس ما تلگا !
واضحك وانچفيلك ماي وتردني بـ عسه لا جيت واضم العتب بعيوني ولا تقرا
الكتاب الينضم اعله الرف عزيز يصير للتربان
البچي اليتلولح من العين بس ما طاح !
بيه انسان !
يا ليل اليسيرلي ،
وانطي من ضوه عيوني نجم وهلال
بس خلي افرح بطيفي
ولو مره ،
اعاتب چفي چي گصران ما لايح عناگيدك
واسولف ويه ساعاتي بمواعيدك
التبده بليل ،
ما ينجاس وي طرة الضوه يخلص
وانه تبديت
ماي انذب وره مسافر ،
وتلگتني بـ هلا الگيعان ما خلتني ادور فطور باگتني من امس ما واصل لـ باچر
شيّلم باچر
شمس ، صيف ، وشوارع چوّت الرجلين
ومرايات تتعاكس بضيّ محرور
يا صوت اليجر روحي لهذاك الصوب
وابچيله نده ل جيلين
ومسامَر گبر وبخور
يا قران ، اجيك بلهفة الشايل بعينه ذنوب شستغفر ؟
ذنب ، ذنبين ، ومباوگ الروح شلون ؟
اجي اعله اطراف اصابيعي وابوگ اسمك ..
ومامش صوت يمك اسمك
مثل ذاك الضوه من يفوت مابي صوت
ويفضحني صده الوهواس
اخاف اشرد ،
النهر من يشرد يبين يريد لوين
السجن جوعان دومه وما تشبعه سنين
لا تضحك
السمه من تضحك تفك باب للتوبه
وانته ولا سمه ، ولا باب
شايل ذنب چم محراب بمتونك
وصفيت اغريب
يم وادم يشبهونك






علي عباس

[سمراء من قوم عيسى]

رائع