هنا

[أنثى حائرة]

قلة ما ادخل هنا واكتب شي يخصني
بعد ماوصلت لمرحلة ايئست فيها جدا
قررت اكتب هنا.
البعض حيرفعني ومتاكده
صار فوك الشهر واني دا اصارع الايام
صارت مشكله عائليه وانحلت وكلشي رجع عادي
بقيت اني افكر دائما واضوج من البيت واهل البيت
احس بنفسي صرت كئيبه
فكرت انتحر اكثر من مره لكن خوف االله واكف بعيني
واهلي شيصير بيهم بعد مانتحر اكيد مايكولون بسبب الضغط ورح يطلعون حجي ويخبطون الشين والزين
فكرت اشرد بس وين اروح....ودمي يروح هدر
فكرت ازوج بس مالي خلك اعيش ويا اي انسان
ماعرف شنو دا يصير
اهلي يحجون عليه دائما ويطلعوني غلطانه باي شي
وقررت انو اسكت وما ارادد بالحجي
امي يرتفع ضغطها وابوي يرتفع سكره وليش ماعرف
وكله ذابينه براسي
اخويه ع كلشي يحجي
اوك بشنو غلطانه اريد افتهم
انام واكعد من وقت انضف وكلشي اسوي ماعدا الطبخ
والصبح اكنك والظهر اكنك ساعه لان وحدي ابقه فاضوج
وهاي مشكلتهم ليش مكننه وحتلو لزم الموبايل دقايق حجوا عليه
ايشكون بشغلات مصايره ودا يحجون بيها كنما صايره
واني محتاره كلش ودا احس الحياة جحيم

[NO OR]

الصبر .. انت طالبة،؟

[Aabdullah]

الظاهر من كلامك أن المشكلة العائلية أنحلت لكن أنت تعيشين بوضع نفسي سيء على أثر تلك المشكلة وهذا وضعك السيء هو الي مسبب لأهلك قلق كبير ومخليهم بدوامة التفكير والتخمين .. ومخليهم يتوقعون أنك في مشكلة كبيرة هم ما يعرفوها
لذلك أنت تحت المراقبة والنقد والأتهام الدائم
اتوقع لو ترجعين طبيعية تنحل المشكلة بينك وبين أهلك
أما بينك وبين نفسك فلا تعتبين على أهلك أنهم ظالميج وأنت معيشة نفسج بهذا الظلم
أنت قاسية جدا مع نفسك بدون سبب وما مخليه قيمة لنفسك لدرجة أنك تفكرين بالأنتحار
افضل طريقة للخروج من كل هذا الوضع هو أن تنشغلين بأشياء تبعد عنك التفكير السلبي
أشياء تكون بمثابة ترفيه وتسلية . خلي يكون عندك هوايات وحب أطلاع
أسسي لنفسك عالم مستقل تجدين به ذاتك بعيد عن الواقع إذا كان الواقع الاسري سيء جدا
وتأكدي ان المشاكل الي تشوفيها مستعصية اليوم بعد فترة راح تكون ماضي والظروف والمحيط راح يتغير .. بهذه الحياة ما يبقى شيء ثابت .. كلشي يتغير
مسألة وقت فقط ..
والإنسان دائما بحاجة الى المعرفة والاطلاع حتى يزيد ثقافته بالتالي يزيد من قدراته على تجاوز الازمات بحياته
أنشغلي بأشياء مفيدة وكل شي راح يتغير مع الوقت كما أسلفت.

أتمنى لك واقع جميل

[❀aşk çiçeği❀]

هذولي لا تعبدينهم مرح يستكفون الزواج بهيج ظروف مو حل حاولي تتحملين واذا انتِ طالبة فحاولي تتجاهلين كُلشي ديصير لان محيدوم وحرامات اتضيعين اهم الامور بسبب هلمشاكل

[نبــ§ــض* القلـ§ــ§ـووب]

لم أُقبل انعكاس فمي في المرآة وحسب، الوجه الآخر لآلة العود، الثلاجة، الحائط، خزان المياه الفارغ، فنجان القهوة المنسي، رسائل الغياب التي لا تصل، جناح عصفوري المكسور ووجه السكين الحاد، إنني أقبل كلّ ما يثير البرد أو الدفء لا فرق لدي
يتوقف ذلك على معرفة الأشياء بي، وأشعرُ أنني أستهلك نفسي عبثاً
فلا شيء ها هنا يُحسُّ بثغري
ازمه وتعدي انشاء الله

[فقار الكرخي]

طبعا يحاربوج
شنو تريدين تبقين مكابلتهم
ليش متقبلين تتزوجين
تريدين تعيشين مثل هذني امهات الجارجر
وتفتر بالمطاعم والمولات
لو اهلج يضغطون عليج حتى تتزوجين
وتعيشين حياة زوجية الي الله رسمها الكل بشر
صح راح بالبداية مشاكل
بس بعدين اكيد الاستقرار
انتي تعيشين بمجتمع متوحش مينطي حرية للبنت انو تعيش على مزاجها
متتزوجين راح ابقة اشوفج اشكال العذاب

شوفيلج واحد على كد ايدج اذا متتحملين زلمة حوك وتزوجي
يعني اهلج يحسبوها حساب
اذا انتي مرتاحة ومكنكة وماكو شي مضوجج بعد اكيد متفكرين تتزوجين
لهذا تشوفيهم متعبيج ومحاربيج .
يجوز الله كاتبلج السعادة بالزواج



والله يحل مشكلتج

[♪ Chandler Bing ♪]

خلي مصلحتج بالمرتبة الأولى وشيلي فكرة الأنتحار ...وأفضل شي الج حالياً تشغلين روحج بأي هواية رسم , شعر , تصميم , كتابة , قراءة أو أي شي بس علمود تتناسين الناس اللي حواليج ...

[fairy touch]

مرحبا ...
مشكلتك بيها جوانب غامضة انت تعمدت اخفاءها ..
اول ما بديتِ گلت صارت مشكلة عائلية ...و فهمنا من كلامك انه الاضطهاد إن صح التعبير بدأ بعدها ..
يعني قبلها كانت الامور ماشية .
هسة بدل اللف و الدوران و الحيرة اللي خليتينا بيها و التساؤلات اللي الها اول و ما الها اخر ..و الرغبة بالانتحار ..
خليني اكون صريحة وياچ ..بس لمصلحتچ ..
اگعدي وية نفسچ ..و بيدچ ورقة و قلم ...و قسمي الورقة ٣ اعمدة ..
العمود الاول سميه "المشكلة "
و اكتبي جواه اهم الاشياء اللي تضايقچ ...بترتيب ..
يعني مثلا رقم واحد : اهلي يلوموني هواية .
اثنين : اهلي يضوجون من اكنك على النت .
ثلاثة :اهلي يشكون بتصرفاتي و ما عندهم ثقة بي .
العمود الثاني سميه " السبب"
و گدام كل مشكلة اكتبي السبب اللي تتصورين ارتبط بيها و ابتداء من تاريخ الاحداث العائلية اللي كتبتيها بموضوعچ او لمحت الها بدون تفاصيل .
مثلا : امام مشكلة اهلي يشكون بي :
السبب: احد بلغهم عندي علاقة بشخص ..طبعا هذا مثل من عندي ..
السبب الحقيقي انت لازم تشخصيه لأن اني متأكدة انت تعرفيه .
و هكذا....
العمود الثالث :" الحل"
اعصري تفكيرچ ..و خليچ بمكان الاهل لو عندهم بنت يحبوها بس خايفين عليها ..شلون ممكن تطمنهم ؟ و تثبت الهم بكل هدوء و حب انه هي بنتهم الوردة نفسها قبل ما تصير المشكلة ..او بنتهم اللي غلطت و مستعدة تعترف و تغير خطأها و تصلحه ..
تقربي من الوالدة و صادقيها ..من امچ تطمئن ، الامور ترجع طبيعية شوية شوية ..
اخطاءنا احنا دائما ما نشوفها و نبقى نلوم الاخرين و هذا سبب كل المشاكل .

بالتوفيق .