هنا

[الشاعر هاني حماده]

يا صاح سيل الدمع عالوجنة خلة طبع
معاديني دومة الوكت من عدة هذا طبع
بمرسالي جان الغلط مو مني من الطبع
من حيث ولفي مشة مانوبة عني نشد
شديت جرحي الة ويا اب ما نشد
والكلب فز وطلع لجلة قصائد نشد
لو راد بصمة عشك بالعشرة اطبع طب
****
الوكت صاحب بشر بس انة شو ياهلة
حاسبني ارضع حزن جني اصبحت ياهلة
مثل اليتيم الفكد اب وبعد ياهلة
والناس كلها اصبحت تنهي وعلية تمر
جنت انة علو العثك حاشوني حوش التمر
اصبر واصبر الكلب الفرحة باجر تمر
ويمر علية الحزن انشد الف ياهلا
****
يعكوب بعد الصبر يوسف ترف عادلة
وعجبني هذا الوكت ميزانة ما عادلة
انطر لطيف الفرح روحي نذر عادلة
واشرب بكاس الصبر واجرع بمر العبر
جم وردة شامت نذل فات وسحكها وعبر
الوكت دومة درس ماخذت منة عبر
مايوفي وي صاحبة طبع الغدر ة عادل

***
عيونك مصايب كشر منه يستر الله
والكابلك يا ترف يحتاج ستر لة
فك الدليل بلطف يا زين سترا لة
من عيونك سهام بية وضيم سالفلي
وسلفلي عينك ولو مشوار سلفلي
تعال اكلك يساهي العين سولفلي
هذاي عيونك يول لو شاد سترلة
****
ايام مابينت وين الوكت وداكـ
ابعدك عني الزمن لو غيرت ودكـ
ان جان ياحبيبي تنسه المحبة ودكـ
اني بوسط الكَـلب راسم الك لوحهـ
وابحر حبك تاهت روحي مثل لوحهـ
والله و رب العرش و كتابه ولوحهـ
ما اجوز عن عشرتك ياعمري وودكـ

[فقار الكرخي]

زهيريات روعة

[أستثنـآئيـّةة❤️]

روعاات

تسسلم