فراق الأبن ....
گلبي شمعه وذاب من هجر الولد
يمه يــا عمــر الأعيشه ابــلا سند
عمـــري مايســـوه ييمــه بدونك
مثـل شمعه وطفت لون اعيونك
يمــه صحبانــك تره اينطــرونك
گلــي ويــن ابيــا مكــان شلونك
شـلون بعـدك والـزمن رايد ولــي
منـتــه يـا يمــه الگـلتلـي إدَّلّلـــي
يــا دلال وكـــل دلالـي يــم علـي
امـوسد ابلـحد الگـبر عِزّي وهلي
چـــنت اتـمنـــه أشـوفـــن زفتـــك
واعـجـــن ابٲيــدي ييـمــه حنتــك
تدري عندي اشگد عزيزه رويحتك
لچـن ما ادري الزمـن فـت مهجتك
داري مـــن بعــــدك فلا بيها ضوه
ويــنــه ذاك الــچــان للــعلــه دوه
چانــت اشــمحلــه سوالفنه سـوه
هسـه خنگــه الـدار مــا بـيها هوه
مــن بعــد مـــا رحت منــي يالولد
يمــه يــا عمــر الأعيــشه ابلا سند
مـا بـقت بس الصـــور والــذكريات
عالحيــاطين ودمــــع عالنــايبــات
كـون كــل لــيلــه أنـه ابگبرك ابات
وكون اسولف لك ييمه عاللي فات
هــيــچ مــا حسبــت نتفــارگ ابـد
يمــه يا عمــر الأعيشـه ابــلا سنـد
كل صباح او كل مسه لجلك انوح
يــا طبيــب يعــالج الـفاگدله روح
يمــه بانـت بـس علامات الجروح
مــن احـن واشتاگ الگــبرك اروح
مـــا اظـــن نتـلاگه يـوليدي بــعد
يمــه يا عمــر الأعيـشه ابـلا سنـد
رد مع اقتباس
