هيج بلا سبب تيهنه الحلام
وانطوت قصت عشكنه وانتهينه
هجرك شكد اخذ من عمري ايام
وانتهت قصتنه جن صفحه انطوينه
تدري شلون حاله العنده الغياب
ثلج و بنار هجراك انجوينه
انه الدليتك بدربي
تالي شلون وي كلبي
راح وي الهوى تعبي
راح التعب وياك يالجنت اداريك
وانه ادري كلش زين طبع الغدر بيك
وجنت راسم لحبنه بروحي لوحات
وعلى اللوحات كاتب كل حجينه
هاي الدنيه كتلك جنهه دولاب
دولبنه الوكت بس ما حجينه
منانه وتفض سهله النفس مكدور
بس بصدر كلبي الكاسرينه
ملح رشيت بجروحي
ذبل وردي وعطر روحي
لسابع جار وصل نوحي
هاجر وليفي وراح وتركلي الهموم
وجروحي تدي ادموم من هجره لليوم
على باب الصبر انطر واكول تعود
وشكد خذت من عمري المحطات
مو قصدي اذم لكن بكلبي اثار
كاظي الليل اون وبكلبي اهات
يالبكلبك ضلام وشايل بروحك ليل
وانه الشاعلك بكل روحي شمعات
شمع شاعلك بروحي
يالمنك سبب نوحي
شيسكتهن جروحي
ماترد ليه اليوم شاعلك شموع
يالعلي ماخليت بس تتن ودموع
رد مع اقتباس
