طلبة الثالث متوسط...
الثلاثاء الامتحان وإن شاء الله المعنويات عالية ووقت المراجعة كان كافي ووافي، وأكيد الأغلب استغلوا استغلال جيد، الي أحب أنبهكم عليه وعن تجربة بحكم مساعدة الطلبة في السنين السابقة أكثر الطلبة يرتبكون بأيام الامتحان وميعرفون إنه أهم سبب للنجاج هو الثقة بالنفس، مدام درست لا تخاف ولا تگول نسيت أنتَ كلشي تذكر لكن التعب والضغط النفسي ينسيك
- طيب والحل شنو والامتحان مرعب لأنه تحديد مصير؟
- كلكم امتحنتوا امتحانات شاملة بالمواد سواء بمدارسكم أو من خلال متابعة صفحتنا والمواقع الأخرى! إذن الوزاري مشابه تمامًا ولنجاحك أتبع ما يلي:

① من يقترب الامتحان خلص لا تستقبل معلومات جديدة، يعني راجع فقط ولا تشوش تفكيرك الي درسته جدًا كافي.

② لا تخلي ببالك مرشحات ورقة وحدة تنجحك وفلان موقع يسرب الأسئلة ولازم تسهر حتى تحصل أسئلة وهذا أخطر شي
*عزيزي الأسئلة مستحيل تتسرب مثل منبهت الإبتدائية والبعض كانوا ضد كلامي وفعلًا متسربت
-ليش متتسرب؟
لأن القوانين صارت صارمة واليقود الوزارة شديد والعقوبة تلحق بكل متهاون وأبسط مثال رؤساء الجامعات عفاهم من مناصبهم! تصور موظف راح يتركة بدون ميقضي على وظيفته والكل يخاف على منصبه فلا تتخيل تطلع الأسئلة وكل من يواعدكم #كذاب

لا تضيع تعبك ركز على المنشورات الرصينة واحفظهن بجهازك وأغلقة وراجع وشجع نفسك وأبتعد عن السلبية الخير گدامك ولا تصدگ تعبك يضيع بس توكل على رب العالمين وأدرس بذكاء

③ النوم مهم جدًا بليلة الامتحان راح يطير النوم بسبب تفكيرك وخوفك حاول بهاي الفترة تغير نظام نومتك بحيث تنام بالليل وتگعد الصبح لأن أغلبكم بعدكم على تعويد رمضان
إذا تروح للامتحان متعب راح تواجه صعوبة بالتذكر عكس من مرتاح

④ لازم تتريگ وإذا مشتهي أكل تفاحة أو أي فاكهة تعجبك بس التفاح أهم لأنه منبه قوي.

⑤ ثق بالله
بر الوالدين + دراسة = نجاح وسعادة
عقوق الوالدين + دراسة ليل نهار وأفضل المدرسين والمراجعات = رسوب وحزن

روان شاه منصور