ابوذيات
غزاني الموت لفراشي. وناحاي
ليلي وياكل ابروحي. وناحاي
حكي امنلطم وابجي. وناحاي
اعله اخوي الكسر ست اعضام بيه
علي الجبوري
وحق روحي التحبك . والتها بك
جرح بعدك حركني . والتهابك
هايم- بيك -عقلي. والتهه بيك
جذب مــثلك عزيز يصير إليه
منقول
مر وجرعته عليك جامني شتريد
تكتلني من تروح وي شامت بعيد
علي الجبوري
نشغ گلبي نشيغ -الطفل. لما
وعليك شگد حزن بالروح. لما
صحت عليك تعال بصوت. لما
انفطر گلبي وتراوتلي المنيه
منقول
چنت افرض ابديوان وحلوگ اسده
هسه الفروخ انفاس مــــــا بيه ارده
مقول
مچدر يازمانــــي اوياي. حطباي
عله وكــــل كتر بلهظم. حطباي
مثل شجره ولزمني بفاس. حطباي
بشته وحقدآ شعل نيران بيـــه
منقول
يوالفي ختنك نص اليل. ونحاس
منذكرك وانته ملك غرض. ونحاس
شني توزني برخص سعر. ونحاس
ونه موزنك بروحي وخنت بيه
علي الجبوري
يدنيه هموم فوك الكلب ربعاي
و عليه سهام كومه اصبحو ربعاي
توضيت و نخيت الصبح ربعاي
تطشرهم ولا منهم بجيه
ناصر الشريفي
دويت بركن صبري عليك حاتم
طايح وعلى وجهي ينوب. حاتم
احس روحي ذبيح بيت. حاتم
على جيت ضيف تدوي ناربيه
منقول
يروحي خلچ بممشاچ وحدي
تراني بـلا گلب ظليت وحدي
راح أترك بـعـد دنياي وحدي
وخلـي الما يحبني يموت بـيـه
منقوال
يلاهي شوف حالي. ماخطاني
وتوني عرفت كدره. ماخطاني
ترس سهمك يصاحب. ماخطاني
بضهري وخله اثر نيشان بيه
علي الجبوري
صرت نار ابدليلي. او منك أبره
شتضن انساك انه. ومنك أبره
جيب الخيط مني. او منك أبره
نخيط اكلوبنه او نتلم سويه
منقول
يعيني ابجي ابدمع من دم. وهلي
وزيحي ~اتراب ~لوعاتج. وهلي
ابعراظه اتلكه~ خواني~ وهلي
وهم بلا هله ايرحبون بيه
عباس الغريب
جفوني المانخيت الله. يربكون
يمرهم وادري ابحالي. يربكون
صاحب وين احصلي. . يرب كون
مثل عابس يشك الزيج اليه
عباس الغريب
الشماته برمح وبگلبي. بچولة
طحت ونوب ذبوني. بچوله
الميت ربعه و اخوانه. بچوله
وانه بفاتحتي ويگصون بيه
منقول
وحك الضمه وجان ابماي. ينباع
الشامت من دره بالحال. ينباع
الصاحب بين ربعه شلون. ينباع
وهضيمه ابنصهم ويطون بيه
عباس خضر الشمري
رد مع اقتباس
