يرازونة شمس وينك خذاني اليل

تعال الضلمة للعميان مو للينتضر ولفه بمحطة ريل

تعال انت وسلفنه يشيل

مرني بطيف اصليلك صلاة الخوف

اخاف تروح مني وكشخت الشط بيش اذا ماشاف متنه جروف

يواهس حنه فوك جفوف

مرني استاحشك ترجية حديثات تكشخ لو تلاكي زلوف

مرني الخوف محتل كل درابيني

جمر تنور اصير رماد مامش ماي تطفيني

تعال وسد روازيني ِ

كابلت المرايه ومااطلع للناس خاف تشوفك بعيني

تعال وغنوة السبعين غنيني

يورد الياس جم ليل الجزه بفركاك مامليت مكتوبك

وجم نار الجوتني وياك بس اعشكهن اذنوبك

تعال اسنيني باكنهن صورك والمتانه وكطعة دروبك

تعال البوب لاتنسد..
ترة الكحلة تعيش بواهس المرود؟؟

تعال الشوك لايبرد

تراهو السيف من ايبيج ما ينفع بعد مبرد

يماخذني على نيتي مرايتي عيونك...

بعدني شما إلك اشتاك اجيك

بحجة شلونك

يصوغة حج

من اضوكن ماي بيرك شكر تالي اليل وانه بحلكي زمزم مج

شجاك وخذك سرب طيور لاهدك ولا جابك

وانه ذاك اليتيهني بنهار وليل يلكاني مثل تمثال ناصب صفنه يم بابك
يواهس كلشي ؟؟

كلشي يعيل

تعال انت وسلفنه يشيل






علي عباس