هنا

[فقار الكرخي]

كورني اعله خصرك شذر محار
وبديني اعله طولك من يجي اليل

ولملمني الصبح عن لا يشوفون
ويسموني هذاك البالهوى يعيل

يمجذاف البلام الناحره الروج
ويلعابت عشك بيد المخابيل

ويسوالف بخت بحلوك اجاويد
يمركد الدمعه الرايده تسيل

اذا بالطيف شفتك ابقه نعسان
اكض ميل الدقايق وكسر الميل

اليحضه بمثل شخصك هذا محضوض
يبستان الترافه التسوه الف جيل

اجي بحرورتي ابرد من الاكيك
تفك كلبك وتصرخ حمل وشيل

يامن على ارموشك تغفه الطيور
من يميل خصرك وادم تميل

من حكهم هلك كامو يخافون
ردو حطو اعله الجام تضليل

انه حاير الهسه منين اجي اقراك
ما استلذ اله اقراك ترتيل

عرفت شلون هسه تعلقت بيك
اسنين العمر جانت طريده

صرت صيادهه وعالطاير تلوح
تختار ....المسافات البعيده

طحت بيدك هوى وشميتني بساع
وانه اعرف غايتك ويه التريده

جانت غايتك تسهرني وتنام
وتكلي احلامك بخير وسعيده

كالولي يحبك كلت همزين
مايدرون انه دم بوريده

هاي الناس تحسد وانه خواف
خضرمه وحرز خليت اعله جيده






سيف علي

[سمراء من قوم عيسى]

عاشت ايدك يالغالي