علي بكل كبريائه
علي بكل كبريائه ...سجد كمل دعائه
وجرح راسه بده ايسبح نزيفه
..
علي السجدتله هامات الرواسي
اخذ كبل ادم تاج الرئاسي
يكول امن القدر خوف احتراسي
رغم عمق الجرح ضل عالي راسي
امير باقتداره ...واله اتلوق الاماره
وجوده ابكل زمن اول خلفيه
...
علي بكل كبريائه ...سجد كمل دعائه
وجرح راسه بده ايسبح نزيفه
..
اذا قرص الشمس اشرله طاعه
علي مجره الفلك رهن انصياعه
اثر عز النفس كنز القناعه
مجاهد تاجر باشرف بضاعه
حمل روحه اعله راحه...كتب بلدم صراحه
تعيش ابذله النفوس الضعيفه
...
علي بكل كبريائه ...سجد كمل دعائه
وجرح راسه بده ايسبح نزيفه
..
نزف كل قطره من دمه ابسجوده
شكر للخالق الدايم وجوده
رضاتك عالوفه اوياك ابوعوده
وختم عمره على قبلة عهوده
..
يدور الحق مداره ..على ايمينه ويساره
محاله الينتخي ابحيدر يعيفه
...
ضميرة ابقدرة الباري انشداده
دليل اعله الوفاء اباعتقاده
كلام المصطفى ابحقه شهاده
علي الوجه النظر افضل عباده
...
كتاب الله لسانه ...علي الواضح بيانه
صرح مجده اعله من دار السقيفه
...
علي بكل كبريائه ...سجد كمل دعائه
وجرح راسه بده ايسبح نزيفه
يجف الكاشف اهموم الحياره
وعله سيوف الدهر شامخ فقاره
رحيلك فاجعه ومظلم نهاره
خساره ياعلي فقدك خساره
جنت يابو اليتامه ..اعله كل شفه ابتسامه
ومنو المثلك يقاسمنه رغيفه
علي بكل كبريائه ...سجد كمل دعائه
وجرح راسه بده ايسبح نزيفه
...
علي الناذر وجوده الكل مهمه
نبع من دم محمد زاكي دمه
جبل بالهيبه ياقبر اليظمه
نسيم الجنه يالرايد تشمه
..
نفس اخذ اعله بابه..عطر جنه ابترابه
طعم زاد الشفه اتشمه ابمضيفه
علي بكل كبريائه ...سجد كمل دعائه
وجرح راسه بده ايسبح نزيفه
..
الحمدلله ابعلي وحبه رحمنه
وعلى كل القيم رجحت قيمنه
رخيص وفدوه له ومايغله دمنه
عليه اسم الوصي ويخفق علمنه
..
تمسكنه ابولائه ..مناحرنه فدائه
فخر بمحبته الموته الشريفه
كلمات:الشاعر سيد سعيد الصافي
رد مع اقتباس