ياليل .. عدنه حبايب بالگبر
ياليل .. گلهم گرب عيد الفطر
ياليل .. نحظه ابوصلهم يافجر
خل يجونه ايعايدونه .. ونفرح ابملگاهم
همه عيد وما نريد .. اعيادنه ابلياهم
جانو النه كل املنه .. بلا امل بجفاهم
شكد صبرنه وانتظرنه .. وما خلص فركاهم
كل يوم .. ننطرهم احنه بالدرب
كل يوم .. بس ندري ملكاهم صعب
كل يوم .. من راحو ايعادل عمر
مشو عنه وماكو ظِنه .. ومايفيد اصياحنه
ليل اظلم والله يعلم .. جم جرح بارواحنا
والليالي بلا غوالي .. بس تهيْج اجراحنا
گلب هايم حزن دايم .. مستحيله افراحنه
بالعيد .. جانو الواهس للفرح
بالعيد .. لمن مشو كلشي انجرح
بالعيد .. دمعات عالخد ننتظر
اگبور ظلمه هسه همه .. ونشعل احنه شموعنه
من اجلهم والله الهم .. جمره وسط اضلوعنه
كلشي شفنه وكلشي عفنه .. وهمه بس موضوعنه
عيون عدنه وتعمه ودنه .. لو هملنه ادموعنه
كل عين .. ماظن يظل بيها نظر
كل عين .. من دونهم تهوه السهر
كل عين .. بغْيابهم تهمل جمر
عدنه اخوه والله تسوه .. ونفتخر بسماهم
حيل فرحو يوم ضحّو .. للوطن بدماهم
والدفنهم گرب منهم .. شم عطر شمّاهم
وجوه سمحه وكلهه فرحه .. والكبر ضمّاهم
غالين .. بس فدوه راحو للوطن
غالين .. عدنه بقو طول الزمن
غالين .. من حگنه بيهم نفتخر
من يجينه اتعوّدينه .. بالمگابر عيدنه
احنه اهلهم نكصد الهم .. والشموع ابأيدنه
صوت ينعه من نسمعه .. اشتياق ايزيدنه
وشْيردهم من بعدهم .. كل صبر ميفيدنه
للموت .. قربان راحو هالولد
للموت .. تتسابگ ارجال الحشد
للموت .. ركضو ولا همهم عذر
……………………………
رد مع اقتباس
المشاركة الأصلية كتبت بواسطة انثى مخمليةة
