يا صاحب يصيح بصوت الحگولي
طحت بنايبه ومتاني من يفزع
تشوف الناس كلهه بلهفه تتعنه
تضمد جروح گلبه تنشف المدمع
على جدامه توگفه وتأخذ بأيده
أصيله الناس هاذي وطاهره المنبع
لان عدهه حنان وعاطفه وجدان
ورثتهه بعقيده راسخه المنبع
ورثتهه من أبو السجاد يوم ألصاح
دين الله ينادي واجبي اطلع
ا قدمله حياتي خل يعيش الدين
وخل جسمي بسبيلي أشلاء يتگطع
هاك اسمع بعد ياصاحبي صرخه
وين ارتفعت وين انتهت اسمع
منهوا إلي طلقهه ومنهوا جاوبهه
وشنوا النايبه إلي شيبت اليرضع
علي الأكبر وگع بالحومه بين الناس
والناس بحقدهه هجمت بأجمع
يوم الطاح صاح الحگلي بويه حسين
طحت بنايبه ودلالي يتلوع
مثل ليث ألفله تعنه عله شبله حسين
شافه شلون جسمه مطبر مبضع
نزل من المهر يم جثته بعبره
راد يشيل ابنه وللخيم يرجع
ريحانة محمد ضل يدير العين
ويصح بصوت گلبي حگه يتوجع
على الدنيا العفى بعدك علي يبني
وبعد كل ألجره يوليدي شتوقع
ناس الگطعت جسمك يضي عيني
عند الله بعد توبتهه هم تنفع
---------------
بقلمي
رد مع اقتباس