مو كبران بس مدري شكبر بيه
مو كبران بس مدري شكبر بيه
من عفتك لحد مل گاك احس بروحي مو هيه !
بقيت بديرة احديثات واني مرايه مچفيه
تدري العاشگ المرتاح من يصفن على البستان
يلگه العثك ترچيه
بس العاشك التعبان من يصفن على البستان
يلگه النخله عوچيه
من فراك وجهك ذاك انام ودمعتي بگدي
واكولن أخ لو موجود وبسدي
چم خشبه بحلك بحلك تنور تحلم للبلم مردي !
وانت اهناك وانا عايش حلم مفتوگ كلشي تبده من عندي
وانت اهناك واركض رگضة الفرجال ورد منين ما ابدي !
واتناسه ويردني غروب
هوه الحرمل شما عاش تره الحد العصر مهيوب !
خذووك وباگني الوهواس والعطاب
هي المشكله الباگوك طبوا لأهلك من الباب
ياهو اليستحق أعتاب ؟
وليش اخلص بخور بصفنة
السرداب
هي الوجعه بالناعور
مو بالشجره من يجيسها الحطاب ..! .
حيدر الشكري
رد مع اقتباس
