مهلا
مهلا وها نحن النساء اجدادنا اهل الكساء
جئنا ننادي
يا حسين
عن سرك وسري وعن دمك اليجري وعن حاير بأمري
وعن هاي الخيام
منهو اليحاميهه عكبك يواليهه وشظل بعد بيهه
بعدك ها الايتام
يجري النزف بينه وهاي احنه الانطينه اخر نزف بينه
وي نحرك وسام
نغدي دماء يا قتيل هاك انظرها تسيل
في كل وادي
يا حسين
من سافرت عيني عدوانك تسني والباغي يضربني
من شافك بعيد
يا من تحاميني يا من تراعيني ضاعت عناويني
مكسورة بالقيد
ياوسفه ما شوفك لو بيدي ما عوفك وانه انظر جفوفك
توميلي يا حيد
وانا انادي لامجيب لا اسمع صوت الحبيب
يا من ضمادي
يا حسين
انه ادري بظروفك هالماطلع خوفك يالكاتب حروفك
من جف علي النور
طايح رعب بيهم واكع وسابيهم محرب يواليهم
ما ترضه بالجور
خافن توصيني وتكلي ودعيني يحسين الك عيني
انه ادري منصور
ياليت تدري بالسياط وكيف ادخلنا البلاط
تسمع نشادي
يا حسين
يالماشفت مثلك بهل الشاكله تكتلك وي كل فرد بهلك
شر الامم هاي
متعطشة لدمك وبجروحك تلجمك وتذكرك بأمك
من حركوا الدار
ورودولك آلامك وكسرولك عضامك وهم حركوا خيامك
وهم ردوا النار
حرقوا خياماً فالخيام حرقوا بها قلب الامام
وبالتمادي
يا حسين
بالحسرة واللهفة همن ترد وسفة يا جرحي ما يشفه
من انظر الحال
من انظر لحالي ويضيمي وعيالي وصدفه تجي بالي
ومضه من الاطفال
ترد صورة لسكينه والصورة تجوينه ماتت يوالينه
من شافت اشكال
شاب لها قلب الرضيع ظل يواسيها الوجيع
خير العباد
يا حسين
فدوة انه الك اختك وادري تظل قصتك وبعيني جن كبتك
تشفع لليزور
ومحد كصد زاير متلهف وحاير اله وطلع صاير
كل كلبه مسرور
يحسين الك عمري وكلبي الذي بصدري ودموعي من تجري
تمسحهه بالنور
كسرت قلوبنا الضلوع جئنا اليك بالشموع
رغم الاعادي
يا حسين
مهلا وها نحن النساء
اجدادنا اهل الكساء
جئنا ننادي
يا حسين
رد مع اقتباس
المشاركة الأصلية كتبت بواسطة سامح محمد
